Dyshohet se “mallkimi” i Yaya Toures ndaj Manchester Cityt ka kaluar në nivel tjetër

Tifozët janë të bindur se “mallkimi i Yaya Toure për Pep Guardiolën” ka hyrë në një fazë të re pasi Manchester City u akuzua për shkelje të shumta të rregullave financiare nga Liga Premier.

Të hënën në mëngjes, sipas një deklarate të elitës së futbollit anglez, pretendohet se City ka shkelur rregullat gjatë një periudhe prej nëntë sezonesh dhe akuzohet se nuk ka dhënë informacionin e saktë financiar kur bëhet fjalë për të ardhurat e klubit, sponsorizimin dhe kostot operative.

Lajmi bëri që mediat sociale të mbingarkohen, me tifozët rivalë që spekulojnë për pasojat e mundshme nëse City shpallet fajtor.

Lexo po ashtu Tifozët e Cityt mendojnë se Yaya Toure e ka larguar "mallkimin" ndaj Pep Guardiolas dhe klubit

Dhe shumë bënë shaka për ngjarjet që ishin rezultat i mallkimit të supozuar të vendosur ndaj Guardiolës dhe Cityt.

Agjenti i Toures, Dimitri Seluk, dikur pretendoi në mënyrë kontroverse se një mallkim afrikan po pengonte Guardiolën dhe Cityn në Ligën e Kampionëve në shenjë hakmarrjeje për trajtimin e tij ndaj lojtarit.

“Ai (Guardiola) e ktheu të gjithë Afrikën kundër vetes, shumë tifozë afrikanë u larguan nga Manchester City”, kishte thënë Seluk vite më parë.

Lexo po ashtu “Guardiola nuk do të fitojë përsëri Ligën e Kampionëve për shkak të mallkimit afrikan” - Seluk tregon se çfarë nuk shkon me spanjollin

“Dhe jam i sigurt se shumë shamanë afrikanë në të ardhmen nuk do ta lejojnë Guardiolën të fitojë Ligën e Kampionëve”.

“Kjo do të jetë për Guardiolën një mallkim afrikan. Jeta do të tregojë nëse kam të drejtë apo jo”, kishte potencuar më tej ai.

City është ende duke pritur për trofeun e parë të Ligës së Kampionëve, pasi ka humbur një herë në finale dhe është eliminuar në dy gjysmëfinale – së fundmi në rrethana dramatike kundër Real Madridit sezonin e kaluar.

Lexo po ashtu Manchester City nga sezoni i ri mund të luajë në Ligën Kombëtare të Anglisë

Disa tifozë të Cityt bënë shaka se Toure e kishte hequr mallkimin kur u uroi atyre “fat të mirë” në shortin e fazës së grupeve të Ligës së Kampionëve.

Megjithatë, shumë tani po thonë se magjia e Toure është ende duke e rrethuar ekipin e tij të vjetër.

Njëri shkroi: “Yaya Toure duke parë mallkimin afrikan ndaj Man Cityt duke kaluar në fazën tjetër”.

Lexo po ashtu Si do të dukej tabela e Ligës Premier nëse Manchester Cty përjashtohet

Një tjetër tha: “Mallkimi i Yaya Toure do të ndjekë Pep Guardiolën përgjithmonë”.

I tretë komentoi: “Yaya Toure po e sheh mallkimin e tij mbi Man Cityn duke hyrë në një fazë të re”.

Lexo po ashtu Kreu i panelit gjyqësor që do të udhëheqë hetimin për shkeljet e supozuara nga Man City është tifoz i Arsenalit

Ndërsa i katërti shtoi: “Kjo është forma përfundimtare e mallkimit të Yaya Toures”.

Ka më shumë se 100 akuza të supozuara kundër kampionëve të Ligës Premier, të cilët kanë lëshuar një deklaratë të tyren dhe “mirëpresin” mundësinë për të mbrojtur veten në një rishikim të organizuar nga një komision i pavarur. /Telegrafi/