Policia largon nga autobusi lëndën shpërthyese në Llapushnik

E plotësuar:  Njësitet e Policisë për deminim kanë arritur të tërheqin një lëndë që dyshohet të jetë shpërthyese nga autobusi në Llapushnik.

Siç njofton policia, njësitet e hetuesisë do të merren me hetimet për të ndriçuar këtë rast.

“Në ora 19:51, njësitet policore që kanë qenë të përfshira në rastin në Llapushnik kanë përfunduar ekzaminimet në vend-ngjarje”.

“Njësia për trajtim të materieve shpërthyese e PK-së, ka arritur të largojë nga autobusi një sasi lënde që dyshohet të jetë shpërthese. Në koordinim me prokurorin është inicuar rasti ‘shkaktim i rrezikut të përgjithshëm’ dhe ‘ mbajtje në pronësi, kontroll apo posedim i paautorizuar i armës’”, deklaroi Krasniqi.

Dyshohet për një mjet shpërthyes në një autobus në Llapushnik të Drenasit

Një mjet shpërthyes dyshohet se është vendosur në një autobus në fshatin Llapushnik të Drenasit.

Rastin ka konfirmuar zëdhënësi i Policisë së Kosovës, Bajram Krasniqi.

Siç njoftohet, Policia, FSK-ja dhe KFOR-i, ka shkuar në vendin e ngjarjes dhe po merret me rastin.

“Sot, rreth orës 17:10, policia është njoftuar nga një qytetar se në një autobus i cili gjendet në fshatin Llapushnik, dyshohet për një mjet të dyshimtë. Policia menjëherë ka dalur në vendin e ngjarjes dhe tek motori i autobusit shihet një mjet i dyshimtë. Më pas në vendngjarje janë ftuar edhe njësi tjera relevante që trajtojnë mjete të dyshimta”, tha Krasniqi.

Deri me tani nuk ka informata shtesë lidhur me rastin.

Policia ka njoftuar se do të jep detaje në vazhdim./Telegrafi/