Dy vëllezërit u vranë nga hajnat – detaje tjera nga vrasja makabre në Malishevë

Në fshatin Plloqicë të Malishevës u vranë dy vëllezër në orët e para të ditës së premte. Ndërkohë, mediat kanë publikuar detajet e vrasjes së Sh.M., i lindur me 1973 dhe B,M., i lindur me 1984.

Lexo po ashtu Vrasja e dy vëllezërve në Malishevë, policia jep detajet

Dy vëllezërit ishin duke qëndruar në shtëpinë e tyre bashkë me tre kushërinjtë derisa në ndejë e sipër kishin dëgjuar zhurma jashtë shtëpisë.

Ata të dy, siç përcjell klankosova, bashkë me tre kushërinjtë, kishin dalur jashtë për të parë se çfarë po ndodhte, derisa kanë hasur në dy hajdutët.

Që të pestë – dy viktimat dhe tre kushërinjtë – u ishin vënë pas hajdutëve.

Lexo po ashtu Dy të arrestuar për vrasjen e dy vëllezërve në Malishevë

Në ndjekje e sipër në terrin e orës 01:00 pas mesnate ishin dëgjuar të shtëna.

Plumbat plagosën rëndë dy vëllezërit – njëri prej tyre anëtarë i Forcës së Sigurisë së Kosovës.

Të plagosurit fillimisht u dërguar në QKMF-Malishevë ku u konstatua vdekja e njërit nga viktimat, ndërsa viktima e dytë ndërroi jetë gjatë rrugës për në QKUK.

I shokuar nga tragjedia e ndodhur vetëm pak orë më parë, babai i viktimave ka arritur të japë vetëm një deklaratë të shkurtër.

I është dukur e pakuptimtë që hajdutët kishin mësyrë shtëpinë e tyre për të vjedhur, pasi siç thotë ai, ata s’është se kanë pasuri.

“Ndoshta kanë ardhur për t’i vjedhur dy lopët”, ka thënë shkurt ai.