Dy të vdekur, pasi 200 vetura përfshihen në një aksident masiv në një autostradë në Kanada

Dy njerëz gjetën vdekjen në një aksident masiv makinash afër Montrealit, aksident ky që çoi deri në mbylljen e autostradës të mërkurën, sipas policisë së Quebec.

Sipas mediave të huaja, përcjell Telegrafi, më shumë se 200 vetura u përfshinë në aksidentin në autostradën A15 dhe rreth 100 njerëz u dërguan në tre spitale vendorë, sipas shërbimit të ambulancës CETAM.

Siç bëhet e ditur më tej, të paktën nëntë njerëz u plagosën rëndë dhe 13 kishin lëndime të lehta.

Të dy viktimat janë në proces identifikimi dhe ata u gjetën të bllokuar në automjetin e tyre, tha agjencia e sigurisë publike në Quebec.

Reshjet e borës me erë thuhet se “papritmas” krijoi një mungesë totale të shikueshmërisë për shoferët, tha Ministri i Transportit në Quebec, François Bonnardel.

Bonnardel tha se rreth 50 automjete u “shkatërruan plotësisht” gjatë aksidentit.

Si pasojë, d deshën disa orë që ekuipazhet të pastrojnë autostradën, tha Bonnardel. Ekipet gjithashtu trajtuan një derdhje karburanti në vend. /Telegrafi/