“Më duhej të mbaja pasojat e një akti që nuk e provokova”, Hermoso thyen heshtjen për incidentin e puthjes së Rubiales

Kupa e Botës për Femra  ishte një rast monumental për ekipin spanjoll, i cili u bë kampion bote për herë të parë në histori pasi mposhti Anglinë 1-0 në finalen e gushtit. Fatkeqësisht, vetë fitorja mbeti në plan të dytë, me Luis Rubiales që puthu Jenni Hermoson pa pëlqim pas finales, duke qenë fokusi kryesor.

Kjo përfundimisht çoi në dorëheqjen e Rubiales nga posti i Presidentit të Federatës Spanjolle të Futbollit dhe ka procedime penale që po zhvillohen edhe kundër tij. Gjatë gjithë kësaj, Hermoso ka mbajtur heshtje, deri më tani.

Hermoso tani ka thyer heshtjen e saj për këtë çështje në një intervistë me GQ. Yllja e La Rojas zbuloi se ajo ka qenë në shënjestër për këtë çështje, për të cilën ajo përsëriti se ishte nxitur tërësisht nga Rubiales.

Lexo po ashtu “Nuk u ndjeva e respektuar, por u ndjeva e detyruar”, zbulohet dëshmia e plotë e Jenni Hermoso kundër Rubiales

“Kam marrë edhe kërcënime, dhe kjo është diçka me të cilën nuk mësohesh kurrë. Më është dashur të mbaj pasojat e një akti që nuk e kam provokuar, që nuk e kam zgjedhur apo paramenduar”, ka thënë fillimisht Hermoso.

Hermoso pranoi se koha që nga ngjarja ka qenë shumë e vështirë dhe se ajo ka kërkuar ndihmë psikologjike për t’u marrë me gjërat.

Lexo po ashtu Pamjet e reja hedhin poshtë pretendimin e Luis Rubiales për puthjen ndaj Jenni Hermoso

“Të tregoja vazhdimisht, më lëndonte shumë, por e di se duhej ta lija disi. Kanë qenë disa javë shumë të vështira. Falë psikologut tim, ndihem e fortë dhe nuk jam e thyer apo duke menduar të lë futbollin”, përfundoi spanjollja.

Hermoso ka qenë jashtëzakonisht e guximshme gjatë gjithë kësaj sprove, dhe që atëherë ajo është rikthyer në detyrë me ekipin e Spanjës. Ajo është gati të jetë fytyra e ndryshimeve në futbollin spanjoll, diçka që kërkohet prej disa kohësh. /Telegrafi/