“Duam të fitojmë dhe të shkatërrojmë kundërshtarin”: Pochettino zbulon diçka të çuditshme për përballjen me Artetën

Mauricio Pochettino thotë se do të jetë e çuditshme të përballet me Mikel Artetën, të cilin ai e sheh si një “familje”.

“Nuk është për t’u habitur ajo që ai po bën sepse ai ishte trajner tashmë në moshën 19-vjeçare, kur unë së pari e njoha atë”, ka thënë Pochettino përpara vizitës së Arsenalit tek Chelsea.

Pochettino tha se e konsideron Artetan si familje dhe se ai mund të bëhet në të ardhmen njëri nga trajnerët më të mirë në botë.

“Nuk është për t’u habitur që ai është i shkëlqyer, por ai është ende shumë i ri dhe po përmirësohet dita-ditës. Ai mund të jetë një nga trajnerët më të mëdhenj në botë. Do të jetë shumë bukur sepse dashuria ime për të është atje. Është më shumë se vetëm miq, është familje. Kjo është arsyeja pse do të jetë e çuditshme”, është shprehur argjentinasi.

“Të gjithë trajnerët janë shumë konkurrues kur shkoni për të luajtur një ndeshje. Ne duam të fitojmë dhe të shkatërrojmë kundërshtarin. Do të jetë e çuditshme, por në një moment do të ndihem krenar kur do ta shoh atë”, ka thënë 51-vjeçari.

Pochettino dhe Arteta do të përballen për herë të parë në rolin e trajnerit, kur Chelsea do të përballet me Arsenalin në Stamford Bridge.

Dyshja iu bashkua PSG-së në vitin 2001, kur Pochettino ishte 29 vjeç dhe Arteta 19./Telegrafi/