Dua Lipa viziton Fishtën në Zadrimë

Këngëtarja shqiptare me famë ndërkombëtare, Dua Lipa, ka qëndruar disa ditë në Kosovë.

Ajo interpretoi në natën e parë të festivalit Sunny Hill, teksa për katër ditë të tjera e ndoqi nga tribunat këtë ngjarje të cilën e organizon babai i saj, Dukagjini.

Një ditë para se të kthehet sërish në Londër, Lipa bëri një vizitë edhe në shtetin amë – në Shqipëri.

We are privileged to serve guests like @DUALIPA and @dukagjinlipa such are a huge help to promote our agricultural project which is really connected with this wonderful land of Zadrima.Thank you from all of the staff and from all our farmers of this area that we work with🇽🇰❤️🇦🇱 pic.twitter.com/qwPPlcZxZf

— Mrizi i Zanave (@mrizi_zanave) August 9, 2022

Më saktësisht ajo bashkë me të atin shkuan për drekë në Fishtë të Zadrimës, ku njëherësh ndodhet edhe një prej restoranteve më të mëdha të agroturizmit.

Ka qenë vet faqja e Mrizit të Zanave, ajo e cila ka publikuar disa fotografi në rrjetet sociale nga vizita e këngëtares 26-vjeçare.

Dua është dukur e lumtur dhe e buzëqeshur gjatë gjithë kohës, ndërsa është takuar nga afër me vizitorët dhe stafin.

Dua dhe babai i saj përndryshe po e organizojnë për herë të parë sivjet festivalin Sunny Hill edhe në Tiranë, në datat 26, 27 dhe 28 gusht. /Telegrafi/