Dua Lipa thotë se pavarësisht famës dhe pasurisë, familja dhe miqtë e mbajnë me ‘këmbë në tokë’

Ajo ka fituar çmime të shumta, ka bërë një pasuri me reputacion prej 27 milionë funtesh (31.7 milionë euro) dhe do të shfaqet në filmin e shumëpërfolur “Barbie”, por miqtë e yllit të popit Dua Lipa sigurohen që ajo të qëndrojë me këmbë në tokë.

“Miqtë dhe familja ime më mbajnë jashtëzakonisht të vendosur”, tha këngëtarja 27-vjeçare.

“Unë mund të ulem në një tryezë dhe nuk jam më e rëndësishmja dhe nuk dua të jem kurrë”, shtoi ylli.

Duke folur me Fearne Cotton në podcastin Happy Place, ajo tha se pavarësisht famës, dëshiron që të ketë një jetë normale.

“Kam miqtë e mi gjatë gjithë kohës – ata më injorojnë në shtëpinë time. është pikërisht aty ku dua të jem – kjo është perfekte. Puna ime është e jashtëzakonshme, por më pëlqen ta mendoj jetën time si normale”, ka pranuar Dua.

Lexo po ashtu Të gjitha lajmet nga Dua Lipa

Fillimisht, suksesi ndikoi në jetën e saj të përditshme, e cila tha: “Nuk e kuptoja pse kishte gjithë këtë vëmendje”.

“Nuk doja të largohesha nga shtëpia nëse nuk do të isha grimuar, në rast se paparacët do të bënin një foto. Këto gjëra më pengonin dhe më ndaluan të bëja gjëra që i doja shumë”, zbuloi artistja.

Krijuesja e hitit “Levitating” së fundmi mori pjesë në premierën e filmit “Barbie” në Los Angeles, e cila shkëlqeu e veshur me një fustan transparent me shkëlqim. /Telegrafi/