Dua Lipa duket si një damë e vërtetë në pasarelat e ‘Chanel’ gjatë Javës së Modës në Paris

Dua Lipa hodhi pelerinën e saj dramatike të zezë deri në dysheme dhe bëri një ndryshim të shpejtë të veshjes teksa u largua nga sfilata e ‘Chanel’ në Javën e Modës në Paris.

Interpretuesja e hitit “New Rules”, 29 vjeçe, ishte mes të pranishmëve në shfaqjen e mbushur me yje të ‘Chanel’, pranverë-verë 2025, të mbajtur si pjesë e Javës së Modës së Haute Couture në Paris të martën, shkruan DailyMail.

Dua dukej mbresëlënëse teksa mbërriti me një pelerinë të zezë me tegela të gjatë deri në dysheme, e cila ishte e lidhur në qafë me një hark prej kadifeje, dhe një bluzë dantelle me rripa diamanti e një minifund të mbështjellë me byrynxhyk, të dukshme poshtë.

Ajo iu bashkua yllit të “Nosferatu”, Lily-Rose Depp, dhe aktores franceze Marion Cotillard në rreshtin e parë të shfaqjes.

Flokët e errëta të Duas ishin krehur pas shpatullave të saj dhe ishin stiluar gjysmë të ngritura, të mbajtur nga një fjongo prej kadifeje të zezë. Ajo gjithashtu kishte një koleksion vathësh diamanti.

Pas përfundimit të shfaqjes, Dua doli nga vendi pa pelerinën dhe kishte veshur një xhaketë të përshtatur nga ‘Chanel’ dhe një fund të shkurtër.

Ajo e kompletoi ansamblin me një palë geta të zeza të tejdukshme, taka të hapura dhe një çantë dore të zezë me tegela ‘Chanel’.

Pamja e saj mahnitëse vjen vetëm një javë pasi Dua raportohet se mbeti “e tronditur” kur fansat hynë në hotelin e saj dhe pritën jashtë derës së dhomës.

Ajo po qëndronte në hotelin me pesë yje “Ritz-Carlton” në Santiago, Kili, pasi kishte udhëtuar në Amerikën e Jugut për të filmuar një reklamë.

Sipas tabloidit britanik The Sun, fansat u gjetën duke pritur Duan jashtë dhomës së saj, ndërsa disa të tjerë ishin në ashensorin e saj pasi kishin hyrë në hotel pa autorizim.

Raportohet se ky incident nxiti një rishikim urgjent të masave të sigurisë së Duas.

Një burim tha për gazetën: “Gjërat ishin kaotike teksa fansat e dëshpëruar për ta parë atë fituan akses jo vetëm në katin e saj, por edhe pranë dhomës së saj. Siguria përfundoi duke bërë një kontroll të detajuar dhe pati më shumë fansa që pritnin pranë ashensorit të saj. Dua tha se nuk do të bënte fotografi brenda hotelit”.

Dua kishte udhëtuar në Kili me grimeren e saj Katie Jane Hughes dhe drejtuesen e modës Olivia Moss.

Në Instagram, Dua ndau me ndjekësit e saj një koleksion fotografish nga një natë festive gjatë udhëtimit, duke përfshirë një tabaka me tekila në flakë dhe një moment ku shfaqi unazën e saj të fejesës.

Thuhet se ajo është fejuar me aktorin Callum Turner, 34 vjeç, pasi ai i propozoi gjatë Krishtlindjeve – megjithëse çifti nuk e ka konfirmuar ende lajmin.

Dua pritet të rikthehet në skenë në mars, kur të nisë pjesën e dytë të turneut të saj në stadiume, për të promovuar albumin e saj të tretë “Radical Optimism”. /Telegrafi/