“Du bist mein” nga Loredana dhe Zuna renditet e para në Spotify

Një bashkëpunim në mes reperëve, Loredana Zefi edhe Zuna, është aluduar qe një kohë të gjatë.

Para disa ditësh ata publikuan këngën e tyre të shumëpritur, të titulluar “Du bist mein’” (që në shqip do të thotë “Ti je i imi”).

Dyshja kishin vendosur që për shkak të përhapjes së pandemisë coronavirus, klipin ta realizojnë në shtëpi, ku edhe tregojnë një ditë normale të tyre.

https://www.instagram.com/p/B-NwFjmFVyj/

E gjithë kjo punë, dhe suksesi që pati kënga në të gjitha platformat digjitale tashmë është shpërblyer, pasi “Du bist mein” renditet si kënga e parë më e dëgjuar në Spotify.

Lexo po ashtu Loredana dhe Zuna sjellin klipin e këngës së re "Du bist mein"

Pas kësaj, Loredana përmes rrjetit social Instagram ka ndarë një fotografi së bashku me Zunën duke i falënderuar të gjithë fansat për mbështetjen e dhënë.

“Ky numër 1 ju përket të gjithë juve. Pavarësisht sa e mërzitur është gjithçka, muzika është me ne. Për këtë arsye, ne gjithashtu e regjistruam këngën në shtëpi dhe e xhiruam videon së bashku me ju. Faleminderit të gjithë fansave që morën pjesë në sfidën tonë…”, ka shkruar ajo, ndërsa si falënderim do të lansojë ribërje të kësaj kënge.

https://www.instagram.com/p/B-hdRialr1u/

Në po të njëjtin mbishkrim ajo ka treguar sesi kjo krize globale u ka ndihmuar njerëzve veçanërisht asaj, pasi po kalon kohë më shumë me vajzën dhe familjen e saj.

Përpos muzikës, Loredana dhe Zuna po kalojnë shumë kohë së bashku, e që në rrjetet sociale thuhet se dyshja mund të kenë filluar ndonjë lidhje dashurie, gjë që është mohuar nga ata. /Telegrafi/