Driton Kuka: Medaljet nga Majlinda dhe Nora janë sukses i jashtëzakonshëm i Kosovës

Dje (e shtunë) gjatë garave të ditës së parë në Lojërat Evropiane “Minsk 2019” Kosova ka fituar dy medalje me anë xhudisteve Majlinda Kelmendi dhe Nora Gjakova.

Kelmendi fitoi medaljen e artë, ndërsa Gjakova humbi në finale duke arritur ta rrëmbejë medaljen e argjendtë.

Pas garave, trajneri i tyre, Driton Kuka u shpreh tejet i lumtur me suksesin e arritur, duke e cilësuar si sukses historik fitimin e medaljeve nga dy xhudistët tona.

Lexo po ashtu Krenaria e sportit në një fotografi: Kosova mbi të gjitha

“Të them të drejtën ne si ekip i vogël para garave të tilla, dihet se lojërat evropiane në sportin e xhudos e kanë pasur karakterin edhe të kampionatit evropian domethënë konkurrencë e jashtëzakonshme njëkohësisht kualifikuese edhe për lojërat Olimpike”.

“Në mëngjes kam qene shumë nervoz pasi që edhe Distria ka pasur problemet e saja dhe nuk është paraqitur sot në gara”.

Lexo po ashtu Majlinda Kelmendi: Medaljen e artë ia dedikoj një personi të veçantë, tezakut të ndjerë Labinot Harbuzi

“Majlinda është duke e gjetur ende formën e vet pasi lëndimit edhe abstenimit të gjatë prej xhudos prej garave të mëdha, ndërsa Nora ka qenë një ndër favoritet për medalje, këtë edhe e ka arsyetuar ka shkuar deri në finale ku me një gabim të vogël ka mbetur pa medaljen e artë”.

“Të them të drejtën e arta e Majlindës dhe e argjendta e Norës janë diçka të jashtëzakonshme janë një sukses i madh”, ka thënë Kuka për faqen e KOK-ut.