Drita vuan shumë dhe mposhtë Drenasin vetëm pas vazhdimeve

Drita është skuadra tjetërq ë ka siguruar plasmanin në 1/8 e finales në Kupën e Kosovës.

Skuadra gjilanase ka vuajtur shumë ndaj ekipit nga Liga e Parë, Drenasit për ta eliminuar.

Përkundër rasteve të shumta të krijuara, Drita nuk arriti të shënoj asnjë gol brenda 90 minutave, duke përfunduar ndeshja me rezultat 0-0.

Gjithsesi gjilanasit në lojën shtesë bën detyrën, kur i inkuadruari në lojë, Hamdi Namani realizoi për 1-0.

Goli i Namanit i siguroi Dritës plasmanin në rrethin tjetër të Kupës së Kosovës.

Pas vazhdimeve fitore ka shënuar edhe Ferizaj, që triumfoi ndaj Flamurtarit me rezultat të thellë 0-3.

/Telegrafi/