Drita impulsive me brez të gjerë (IPL) dhe laseri për heqjen e qimeve të tepërta

Qimet e padëshiruara në hundë i gjeni jo vetëm te burrat. Nganjëherë dhe femrat e zbulojnë te vetja këtë defekt; madje jo vetëm në flegrat, por edhe në rrëzë apo në majë të hundës.

Qimet mund të dalin për shkaqe gjenetike, por më shpesh shkaku është te çekuilibri hormonal. Niveli i ulët i estrogjenit vërehet në 9 përqind të femrave. Pamjaftueshmëria e këtyre hormoneve mund të bëhet shkak për shfaqjen e akneve, dhjamosjes, shterpërisë dhe kistozës së vezoreve.

Ndodh, që çekuilibri hormonal vjen si rezultat i marrjes së ilaçeve: preparate hormonale të siguruar në rrugë të paligjshme me qëllim rritjen e libidos, apo steroideve për zhvillimin e muskujve.

Pamja e tyre e jashtme nuk i intereson vetëm femrave!
Me moshë burrat humbasin flokët në kokë, teksa nisin t’i dalin në vendet më të papritura: në flegra, në hundë, në veshë. Ndoshta, për këtë procedurë interesohet ndonjë i afërmi juaj?

IPL dhe laserët punojnë me të njëjtën skemë: asgjësojnë folikulat e qimeve. Rritja e qimeve është ciklike, prandaj kërkohen deri në katër seanca, për të përpunuar të gjitha bulbet. Pas procedurës, rritja e qimeve ndërpritet. Ato që vazhdojnë të rriten, janë shumë më të holla, të buta dhe në ngjyrë të çelur.

* Po të keni nevojë të shpëtoni vetëm nga disa qime (më pak se dhjetë), duhet të përdorni elektrolizën (kushton më lirë).

* Testosteroni i bën flokët të fortë dhe meshkujt kanë shans 50:50, që flokët do t’u dalin gjatë gjashtë muajve. Në këtë rast procedura do bërë çdo vit.

* Studiuesit amerikanë dolën në përfundimin, që nëse pas tre cikleve flokët nuk dalin, kjo do të thotë "përgjithmonë".

* Drita me brez të gjerë vepron më keq në lëkurën e nxirë në diell, prandaj është më mirë ta bëni procedurën para verës.

* Po të keni lëkurë të errët, zgjidhni më mirë laserin, se IPL. /Telegrafi/