Drita e kaltër në qiell, u shfaq edhe mbrëmë gjatë tërmeteve shkatërruese që goditën Turqinë

Turqia është goditur mbrëmë nga dy tërmetet tjera me fuqi prej 6.4 dhe 5.8 magnitudë.

E në rrjetet sociale ka filluar të shpërndahet sërish videoja e filmuar nga kamera e vendosur në një veturë, që ka kapur momentin rrëqethës të dridhjes së tokës, transmeton Telegrafi.

Gjatë dridhjes së tokë qielli u shndrit dukej sikur ishte mesi i ditës, por ajo dritë u shfaq edhe gjatë dy tërmeteve shkatërruese që goditën Turqinë dy javë më parë.

E menjëherë filluan të qarkullojnë spekulime se çfarë e nxit këtë dritë, kurse shkencëtarët kanë disa teori lidhur me këtë fenomen.

Lexo po ashtu Tërmetet godasin sërish Turqinë, deputeti ndërpret intervistën që transmetohej direk kur dridhjet filluan në vend – fillon të vrapojë

Në një intervistë të dhënë për revistën National Geographic, shkencëtari dhe studiuesi i lartë në NASA, dhe profesori i fizikës në Universitetin e San Jose dhe një nga bashkautorët e studimit mbi këto drita, Friedemann Freund, u përpoq të shpjegojë këtë fenomen.

Ai tha se dukuritë e dritës ndodhin për shkak të vetive elektrike të shkëmbinjve në tokë. Sipas Freundit, tërmetet lëshojnë ngarkesa elektrike nga shkëmbinjtë, të cilat lëshojnë dritë të kaltër dhe të verdhë drejt qiellit.

“Është si të ndezësh një bateri në koren e Tokës”, përshkroi Freund.

Lexo po ashtu Tërmetet shkatërruese në Turqi dhe Siri, pamje që tregojnë momente paniku dhe shembje ndërtesash

Përveç kësaj, ekzistojnë një sërë teorish të tjera, dhe njëra thotë se gjatë çrregullimeve tektonike krijohet i ashtuquajturi efekt piezoelektrik, gjatë të cilit shkëmbinjtë që përmbajnë kuarc prodhojnë fusha të forta elektrike kur ngjeshen në një mënyrë të caktuar.

Këto teori janë të vështira për t’u vërtetuar, sepse “dritat e tërmetit”, si dhe tërmetet gjatë të cilëve shfaqen, janë shumë të paparashikueshëm dhe jetëshkurtër.

Disa gjeologë besojnë se kjo dritë nuk ka të bëjë fare me tokën. Ata pretendojnë se këto janë shpërthime që vijnë nga gjeneratorët dhe sistemet e tjera energjetike gjatë një tërmeti, dhe të cilat më pas mund të shihen në qiellin e natës.

Në një studim të një fizikani në Universitetin Rutgers në New Jersey, i publikuar në vitin 2014, kokrrizat e materialeve të ndryshme, si mielli, plastika dhe gipsi, gjenerojnë tension kur tunden.

Shkencëtarët ia atribuuan këtë efekt fërkimit midis kokrrave të materialit, dhe eksperimenti i tyre bie ndesh me teoritë e tjera të përmendura më sipër. /Telegrafi/

What is the blue light?!#earthquake #Turkey #Syria_earthquake #Syria #EarthquakeTurkeySyria pic.twitter.com/K2cObx9LxS

— Ayham Marjeh🔻🇵🇸 (@Ayhammarjeh) February 20, 2023