Drenori i zhgënjyer: Kishim marrëveshje me Kurtin për të mos kandiduar përmes Drenasit

Xhavit Drenori ka thënë se e gjitha ajo që ka bërë deri dje për Vetëvendosjen i qëndron mbrapa por ka thënë se personalisht është mashtruar nga Albin Kurti.

Drenori në “Debat Plus” me Ermal Pandurin në RTV Dukagjini ka thënë se ende mendon se Albin Kurti mund të jetë personi që mund të bëj ndryshimin në Kosovë.

“Unë kam shpërthyer për vetën time sepse jam mashtruar. Prandaj kam shpërthyer për vetën time”.

Ai ka thënë ka kontribuar shumë për Vetëvendosjen, por askush nga VV nuk i ka thënë faleminderit.

Drenori shton më tej se në vitin 2017 Albin Kurti e ka “marrë me zor dhe e ka mbajtur në politikë”.

Ai thotë se në momentin kur ka qenë duke ushtruar profesionin e tij me shumë pasion, Kurti e ka ftuar duke i thënë “je profili i duhur për deputetë”, tha ai, përcjell Telegrafi.

Drenori ka thënë se nuk i ka hyrë garës së brendshme në Drenas pasi ka shpresuar një nominim nga Albin Kurti.

Ai thotë se ndjehet i mashtruar pasi Kurti ditët e fundit e ka ndërprerë edhe komunikimin me të.

Lexo po ashtu Glauk Konjufca tregon pse Xhavit Drenori nuk u përfshi në listën e Vetëvendosjes

“Kishim marrëveshje nga fillimi që unë mos të nominohem nga Drenasi. Ishte me rëndësi që të ngritej dega e Drenasit pas problemeve që kishte PDK në këtë komunë”, tha Drenori./Telegrafi/