Dramë në një market në Florida, blerësi i kërkon një burri të vendosë maskë mbrojtëse – ai nxerr revolen dhe e kërcënon

Kamerat e sigurisë brenda një lokali të gjigantit Walmart në Florida kanë filmuar një incident, ku një burrë i panjohur nxjerr revolen dhe kërcënon një blerës tjetër. Besohet se gjithçka ka ndodhur për shkak të maskës.

Incidenti ka ndodhur më 11 korrik, ku një person i panjohur ka nxjerrë revolen dhe shihet se nuk kishte maskë mbrojtëse në fytyrë, kurse në market ishte me mikun e tij që ishte në karrocë, transmeton Telegrafi.

Zyra e sherifit në Palm Beach, ka njoftuar se fillimisht kishte ndodhur një përplasje verbale mes burrit që barte maskë dhe tjetri që nuk e kishte.

Videoja tregon se si burri pa maskë e shtynë karrocën, në të cilën ishte miku i tij më i vjetër që mbante një faculetë në fytyrë.

Gjithçka ndryshon kur atyre u afrohet një person tjetër me maskë dhe pas shkëmbimit të disa fjalëve, burri pa maskë mbrojtëse ia tregon gishtin e mesit dhe më pas nxjerr revolen duke e kërcënuar me vrasje.

Besohet se ai kishte kërkuar nga burri me revole që të bartë maskë mbrojtëse. Megjithatë ata largohen nga lokali dhe për fat të mirë nuk ka pasur të lënduar.

E policia ka bërë të ditur se ka arritur të identifikojë burrin që kërcënonte me armë dhe nuk mbante maskë mbrojtëse.

“I dyshuari është identifikuar dhe po bashkëpunon me policinë”, thuhet në kumtesën e policisë. /Telegrafi/