Donnarumma: Vendim i duhur qëndrimi te Milani – te Interi kurrë, te Juve ndoshta

Gianluigi Donnarumma ka thënë se qëndrimi në Milan ishte gjëja e duhur për të bërë dhe ai kurrë nuk do të bashkohej me Interin, por nuk do të përjashtonte Juventusin në të ardhmen.

Portieri 18-vjeçar u intervistua nga fëmijët në një shfaqje të Canale 5 të quajtur Chi ha incastrato Peter Pan?

Ai u pyet pse ai kishte vendosur të qëndronte me Rossonerët në vend që të bashkohej me yjet në Real Madrid.

Lexo po ashtu Donnarumma: Refuzova gjithçka për Milanin, duhet të rikthehemi në Ligën e Kampionëve

“Kam qëndruar sepse Milan është shtëpia ime dhe mendova se ishte gjëja e duhur për të qëndruar në Milan”, u përgjigj fillimisht Donnarumma.

Ai u pyet me vështirësi nëse ai do të transferohej ndonjëherë te rivalët e tyre lokal të Interit, por Donnaruma u përgjigj thjesht dhe shkurt: “Asnjëherë!”.

Lexo po ashtu Pesë lojtarët më të paguar në Serie A

Megjithatë, një tjetër fëmijë tha se kishte një bast me mikun e tij se sezonin e ardhshëm portieri do të ishte në Juventus.

“Jo, kam ende katër vjet në kontratën time me Milanin”, përfundoi italiani.

Donnarumma është konsideruar nga shumë njerëz si trashëgimtari ideal i Gigi Buffon, si për fanellën e Italisë ashtu edhe për Juven, pasi portieri i Zonjës së Vjetër tani është 40 vjeçar dhe ka paralajmëruar pensionimin. /Telegrafi/