Donçev: Fondi ka ulur çmimin e tetsteve për Covid-19

Fondi i Sigurimeve Shëndetësore uli çmimin e testit për Covid-19 nga 5.500 në 3.600 denarë pas një analize të çmimit të vendosur në 2013 kur kishte pak interes për testimin molekular. Drejtori i Fondit, Dan Donçev në një konferencë për shtyp tha se në të njëjtën kohë me uljen e çmimit të paguar nga Fondi, u konfirmua se klinikat private i paguajnë testet për 1.500 denarë, kështu që edhe Fondi do të paguajë të njëtën shumë me ato laboratorë me të cilët kanë lidhur kontrata për testimin e coronavirus.

“Fondi bëri analizën e tij mbi metodologjinë dhe praktikën e zakonshme për koston e testit PCR dhe ne arritëm në një çmim prej 3.600 sa më realistë për këtë lloj shërbimi. Në të njëjtën kohë, ne kemi kuptuar se çmimi në kushte të tregut të lirë është 1.500 denarë dhe për këtë arsye është marrë një vendim për këtë u morë vendim për çmim prej 1.500 denarë. Në atë moment, çmimi i dhënë publikisht në institucionet private ishte 1.500 denarë, dhe pse ato e rritën është çështje për institucionet private të kujdesit shëndetësor”, tha Donçev.

Në kundërshtim me pretendimet e drejtorit Donçev, Klinika “Zhan Mitrev” informoi se ata e rritën çmimin e testeve nga 1.500 në 3.600 denarë për të baraspeshuar çmimin e paguar për këto teste nga Fondi i Sigurimeve Shëndetësore./Telegrafi/