LAJMI I FUNDIT:
Prizreni 12° clearsky_day

DokuFest dhe Sida vazhdojnë partneritetin për avancimin e kreativitetit dhe shkëmbimit kulturor

DokuFest dhe Sida vazhdojnë partneritetin për avancimin e kreativitetit dhe shkëmbimit kulturor

DokuFest dhe Agjencia suedeze për zhvillim dhe bashkëpunim ndërkombëtar (SIDA) të mërkurën kanë njoftuar se partneritetin e nisur vite më parë do ta vazhdojnë edhe në pesë vitet e ardhshme përmes programit ‘Creative Force’ (‘Forca Krijuese’).

Në njoftimin e tyre thuhet se ky bashkëpunim do të ofrojë mbështetje të konsiderueshme për nismat kreative dhe kulturore në Kosovë dhe do të synojë ngritjen e peizazhit kulturor dhe arsimor në Kosovë përmes kinemasë dhe arteve krijuese.

Nisma ‘Creative Force’ është krijuar për të përforcuar aktivitetet thelbësore të DokuFest në tre shtylla kryesore:


1) Ngritja e përvojës së Festivalit: Duke e shndërruar Prizrenin në një qendër kinematografike globale, DokuFest do të përforcojë programin e tij të festivalit për të nxitur bashkëpunime ndërkombëtare, shkëmbime kulturore dhe të avokojë për qëndrueshmëri dhe diversitet.

2) Fuqizimi përmes DokuLab: DokuLab do të vazhdojë të fuqizojë filmbërësit e rinj dhe të integrojë krijimin e filmave dokumentarë në arsim. Kjo përfshin edukim gjithëpërfshirës për film, grante për filmbërësit në zhvillim dhe partneritete me institucionet arsimore.

3) Promovimi i Barazisë Gjinore: DokuFest mbetet i përkushtuar në promovimin e të drejtave të njeriut dhe barazisë gjinore në kinema. Duke përforcuar zërat e grave dhe duke i dhënë përparësi filmave të fokusuar në historitë e grave, festivali sfidon normat shoqërore dhe nxit përfshirjen”, thuhet në njoftim.

Aty gjithashtu theksohet se “duke përdorur platformën e festivalit për t’u angazhuar me çështje kritike shoqërore si demokracia, të drejtat e njeriut dhe ndryshimet klimatike, DokuFest nxit një kulturë të përfshirjes dhe dialogut brenda komunitetit, duke përfshirë iniciativa si Kinema Sociale për të angazhuar qytetarët e moshuar. Përveç kësaj, festivali do të forcojë partneritetet e tij strategjike ndërkombëtare me organizmat dhe festivalet e filmit për të mbështetur talentet lokale për të lehtësuar shkëmbimin kulturor dhe për të promovuar industrinë e filmit të Kosovës në një skenë globale”.

Sipas njoftimit të përbashkët, “ky program është vazhdimësi e mbështetjes fillestare trevjeçare nga Ambasada Suedeze dhe SIDA, që synonte zhvillimin strukturor të kapaciteteve të organizatës për të konfiguruar gradualisht shtrirjen e programit të saj strategjik me një mision dhe vizion të qartë për të ardhmen, për t’u reflektuar në një strategji organizative gjithëpërfshirëse 5-vjeçare”.

Granti i iniciativës ‘Creative Force’ sipas komunikatës do ta mbështesë DokuFest-in edhe në marrjen e çdo burimi shtesë të nevojshëm për zbatimin e Planit Strategjik 2024 – 2028 gjatë periudhës së aktivitetit.

Në trend

Më shumë
Letra të shkruara nga produksioni? Në rrjetet sociale po qarkullon një video ku Driloni shihet duke ushtruar dhe nuk i kupton fjalët në letrën e vet

Letra të shkruara nga produksioni? Në rrjetet sociale po qarkullon një video ku Driloni shihet duke ushtruar dhe nuk i kupton fjalët në letrën e vet

Magazina
Driloni shpallet fitues i Big Brother VIP Kosova 3

Driloni shpallet fitues i Big Brother VIP Kosova 3

Magazina
Kush e vrau John F Kennedy? Atentati që tronditi botën

Kush e vrau John F Kennedy? Atentati që tronditi botën

Amerika
Përfundon edicioni i tretë i Big Brother VIP Kosova me Drilonin fitues

Përfundon edicioni i tretë i Big Brother VIP Kosova me Drilonin fitues

Befasia e këtij fillim viti: Nga Spanja raportojnë se Messi po rikthehet te Barcelona

Befasia e këtij fillim viti: Nga Spanja raportojnë se Messi po rikthehet te Barcelona

La Liga
Angelina Jolie shihet për herë të parë pas mospërfilljes që ia bënë

Angelina Jolie shihet për herë të parë pas mospërfilljes që ia bënë "Oscars", ajo thuhet se është shumë e dëshpëruar që nuk u nominua

Magazina
Kalo në kategori