Disa deputetë dhe kryeministria britanike betohen për besnikëri ndaj Mbretit Charles III

Deputetët bëjnë betimin për besnikëri në seancën e rrallë të së shtunës në parlamentin britanik.

Pas ceremonisë së pranimit këtë mëngjes, kryeparlamentari dhe deputetët e përzgjedhur kanë bërë betimin për besnikëri ndaj Mbretit të ri, Charles III.

Kjo është një seancë e rrallë e së shtunës, ku deputetët do të shprehin ngushëllimet e tyre pas vdekjes së Mbretëreshës Elizabeth II. Seanca është caktuar të zgjasë deri rreth orës 22:00.

Ai do të përfundojë me një “fjalim formal modest” drejtuar Mbretit, “duke treguar pikëllimin e thellë të Parlamentit” pas vdekjes së nënës së tij.

Çdo deputet do të ketë mundësinë që t’i betohet Mbretit kur të kthehet në vendlindje pas pushimeve, por nuk janë të detyruar.

Kryetari i Parlamentit, Sir Lindsay Hoyle do të përcaktojë orarin e ri të betimeve, por pritet të reduktohet ndjeshëm deri pas funeralit shtetëror të Mbretëreshës.

Kjo do të thotë se ligjet e reja nuk mund të miratohen derisa Parlamenti të kthehet, megjithëse mund të tubohet për çështje urgjente.

Ndryshe, Liz Truss, kryeministria britanike ka zgjedhur të betohet se do t’i shërbejë me përkushtim Mbretit të ri, Charles III.

Vlen të theksohet se brenda dhjetë dite, Truss u betua dy herë – fillimisht Mbretëreshës Elizabeth II dhe tani Mbretit të ri. /Telegrafi/

Prime Minister Liz Truss joined a delegation of senior MPs in swearing a new oath of allegiance to King Charles in the House of Commons today: pic.twitter.com/CwNTlIXdZa

— PoliticsHome (@politicshome) September 10, 2022