Dilema te PSG për rinovimin e kontratës së Neymarit

Afati kalimtar veror do të jetë një nga më interesante në vitet e fundit. Shumë lojtarë të mëdhenj po përballen me të ardhme të pasigurta dhe madje vazhdimi i Neymar në Paris Saint-Germain është larg nga garantimi, pavarësisht se klubi ishte i bindur se ai do të rinovonte jo shumë kohë më parë.

Braziliani është lidhur me një kthim në Barcelonë, megjithëse ka dyshime në lidhje me aftësinë e katalanasve për të paguar transferimin dhe pagën e tij.

Leonardo ka qenë i sigurt për rinovimin e lojtarit, megjithëse ky optimizëm duket se po zbehet.

“Ne duhet të jemi të qetë për gjithçka”, ka thënë ai për El Chiringuito të dielën, kur ishte në Barcelonë për të parë ekipin e femrave të PSG-së duke humbur nga Barcelona në gjysmëfinalen e tyre të Ligës së Kampionëve.

Leonardo nuk pranoi të deklarohej më tej, pavarësisht se u pyet specifikisht për Neymar dhe Kylian Mbappen.

“Sot kam ardhur këtu për të parë ekipin e femrave. Fatkeqësisht ne kemi humbur”, ka shtuar ai më tej.

Klubi është përpjekur të rinovojë kontratat e Mbappe dhe Neymar, me vetëm një vit të mbetur në marrëveshjet e tyre. /Telegrafi/