Dikur qytet i bukur port, sot vetëm gërmadha – pamje të Mariupolit para dhe pas bombardimeve

Qyteti port Mariupol që është i rrethuar nga forcat ruse nga fillimi i pushtimit, ua ka vështirësuar jetën banorëve të atjeshëm që jetojnë në kushte shumë të rënda – pa ujë, ushqim, energji, ngrohje dhe telekomunikim.

Megjithatë sot ushtria ruse është pajtuar për shpalljen e armëpushimit dhe hapjen e korridoreve humanitare, informacion ky që është konfirmuar edhe nga zyrtarët ukrainas, transmeton Telegrafi.

Lexo po ashtu Beteja e ashpër për Izyumin, qyteti ukrainas që ka një porosi për ushtrinë ruse

“Rreth 45 autobusë janë nisur drejt Mariupolit pasi që punonjësit e Kryqit të Kuq, konfirmuan se Rusia është pajtuar për hapjen e korridoreve”, ka bërë të ditur zëvendëskryeministrja ukrainase Irina Vershchuk.

Tentimet e mëparshme që të arrihet armëpushim në Mariupol dhe të ketë evakuim të sigurte, kanë dështuar vazhdimisht.

Lexo po ashtu Putinit nuk po i shkon pushtimi sipas planit, nënshkruan dekretin për 134 mijë rekrutë të rinj që do t’i bashkohen ushtrisë ruse

Madje kryetari i qytetit ka njoftuar se rreth 170 mijë banorë kanë mbetur të ngujuar pa energji elektrike, pasi ky qytet është granatuar vazhdimisht nga ushtria ruse.

Një numër i madh i banorëve akoma po tentojnë të largohet nga qyteti që është shndërruar në gërmadha.

“Derisa tentuam të dalim, jemi detyruar të kalojmë nëpër qendrën e qytetit. Ka qenë e tmerrshme të shohësh rrugët e shkatërruara si dhe ndërtesat”, thotë Iana Ialovets, studente 23-vjeçe. /Telegrafi/

Putler bombarded #Mariupol to hell. #FCKPTN #FreeUkraine pic.twitter.com/NkQzYfRAbh

— Anonymous Operations (@AnonOpsSE) March 30, 2022