Statisticientja nga Universiteti i Tiranës, profesionistja me profilin e lartë akademik, e licensuar në Kanada në 3 fusha të ndryshme, Diana Beqari-Pushi vjen si folëse në webinarin virtual “Suksesi është qëllimi yt”.
Kjo konventë këtë vit vjen në formë të webinarit dhe do të mbahet me datën 4 dhe 5 dhjetor.
Krahas ekspertizës në biznes, financë dhe menaxhim projekti, Diana është e a pasionuar në fushën e zhvillimit të potencialit të lartë njerëzor.
Për të realizuar atë pasion, është licensuar në fushën e Neuroshkencës si Master NLP Coach dhe Hipnoterapiste, në sistemin energjik dhe atij të Human Design.
Diana, së bashku me vajzën, Keidi Pushi, ka themeluar lëvizjen “The Reborn Experience”, për të mbështetur njerëzimin në zbulimin e individualitetit të tyre unik dhe realizimit të potencialit të tyre të vërtetë.
Për shqiptarët është e njohur me platformën “Reborn Albania”.
Ajo beson që "çdo njeri në momentin që gjen suksesin që ka emrin e tij, është i pandalshëm".
