Zëvendëskryeministri i Kosovës, Besnik Bislimi është deklaruar rreth marrëveshjes së arritur në Bruksel mes Kosovës dhe Serbisë për çështjen e targave.
Bislimi në emisionin “Përpallje” në Telegrafi.com tha se edhe për punën e targave, Bashkimi Evropian ka arritur të sqarojë disa paqartësi, të cilat kanë qenë nga ana e ekipit serb.
“Kemi hapa konkret tek puna e targave. Janë diskutuar propozime konkrete dhe mendoj që është bërë një avancim sepse pala e Brukselit ka arritur të shmangë disa paqartësi tek pala serbe në lidhje natyrën e marrëveshjes”, tha Bislimi.
Bislimi ka potencuar se janë viktimë e gabimeve që janë bërë në të kaluarën, pasi sipas tij, gabimi i parë është bërë kur është pranuar që çështja e energjisë elektrike në veri të Kosovës të trajtohet si çështje politike.
“Nuk ka askund në botë ku pagesa e një shërbimi publik trajtohet nga dimensioni politik, është thjeshtë transaksion, ku qytetari merr një shërbim dhe paguan koston”, tha ndër tjera Bislimi.
Ai tha se tash do të merren me minimizim të dëmit dhe licencimin e një operatori tjetër duke u kujdesur duke mos prekur në distribuim dhe transmision të energjisë.
Gjithashtu, zëvendëskryeministri ka deklaruar se qëndrimi i palës kosovare është që të ketë trajtim të barabartë sa i përket çështjes së targave.
“Qëndrimi ynë ka qenë të gëzojmë një trajtim të barabartë, principi i reciprocitetit dhe ne si rezultat i këtij principi kemi vendosur që veturat që hyjnë nga Serbia të detyrohen të pajisen me targa të përkohshme dhe njëkohësisht kemi filluar konfiskimin e tabelave ilegale me shkurtesat e tabelave që determinojnë qytetet e Kosovës. Si zgjidhje të ndërmjetme kemi pranuar një reciprocitet të ri, ku tabelat nuk janë pajisur me tabela të përkohshme, por ato simbole janë mbuluar me stikersa të bardhë dhe njëkohësisht kemi siguruar që të gjitha tabelat që nxirren në Serbi në Kosovë të trajtohen si tabela ilegale”.

“Si hap i tretë, kemi filluar me zgjidhjen e përhershme… e dimë që zgjidhja e përhershme duhet t’i akomodojë disa kritere”, është shprehur ai.
Bislimi në “Përpallje”, potencoi se zgjidhja finale për çështjen e targave duhet të jetë në bazë të standardeve dhe praktikave me të mira të Bashkimit Evropian.
“Zgjidhje finale duhet të jetë në bazë të standardeve dhe praktikave më të mira brenda Bashkimit Evropian, të atyre që janë tani në përdorim, jo të standardeve që BE mund të kenë pasur pas luftës së dytë botërore.
Në qoftë se standardet më të mira të BE-së, vijnë në përfundim që as tabelat e Kosovës dhe as ato të Serbisë nuk i plotësojnë këto kritere, dhe duhet të ketë modifikime, atëherë ato duhet të jenë të dy anshme, d.m.th edhe Serbia duhet t’i ndërrojë tabelat, edhe Kosova”, ka thënë mes tjerash Bislimi.
Zëvendëskryeministri Bislimi gjatë emisionit është deklaruar edhe për takimet e fundit që ka pasur në Bruksel në kuadër të dialogut me Serbinë, duke thënë se një takim trepalësh nuk u zhvillua për shkak se Serbia kushtëzoi takimin duke futur në agjendë temën e asociacionit. /Telegrafi/
Promo
Reklamo këtuLufta Prigozhin - Putin
Më shumë
Kritikat për logon për 17 vjetorin e pavarësisë, kompania "Red Mill" del me një sqarim

Profesori nga Beogradi: Nëse krijohet Asociacioni për serbët në Kosovë, të bëhet edhe për shqiptarët në Serbi

Arrestimi i Veliajt me urdhër të SPAK, reagon delegacioni i BE në Tiranë

Rama "merr në dorë" Bashkinë e Tiranës, çdo mëngjes mbledhje me stafin

KQZ përditëson rezultatet pas numërimit të 99.53% të votave, LVV me ngritje të lehtë

Sylejman Selimi: Adem Jashari ka qenë kryesori, s’ka marrë urdhra nga Shtabi i Përgjithshëm

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?

Çdo fëmijë e don një xhaketë të re për vit të ri!

25% zbritje në çizmet Adidas Terrex? Zgjate dorën!
Më të lexuarat

Bëhet virale një video e Gjestit, ku i drejtohet me fjalor banal Eglit në dhomën e gjumit

"Disa njerëz u vranë këtu, brenda zyrës sonë": Zelensky zbulon se si u përpoqën ta vrisnin në pallatin presidencial

Kush shet më shumë çelik dhe alumin në SHBA dhe kush po përballet me tarifa?

Edhe një aksident me fatalitet në autostradën për Prizren

Gashi: LVV-ja tenton ta bëjë vetë qeverinë – nëse e bën me Listën Serbe, është vetëvrasje

Profesori nga Beogradi: Nëse krijohet Asociacioni për serbët në Kosovë, të bëhet edhe për shqiptarët në Serbi