Ndërsa amerikanët po përfundojnë votimin, kryeministrat dhe presidentët në të gjithë botën përballen me një pyetje delikate – kur të përgëzojnë fituesin përfundimtar, veçanërisht duke pasur parasysh rrezikun që rezultati i zgjedhjeve do të kontestohet.

Sipas Reuters, përcjell Telegrafi, nga njëra anë, ka një shans që vota popullore të shkojë në një drejtim dhe Kolegji Zgjedhor – i cili në të vërtetë përcakton fituesin – në drejtim tjetër.

Gjithashtu, presidenti Donald Trump ka pretenduar vazhdimisht se fletëvotimet me postë janë subjekt i mashtrimit dhe sugjeroi se ai mund të mos pranojë rezultatin dhe tha se Gjykata e Lartë mund të duhet të vendosë fituesin.

“Ju dëshironi të jeni të shpejtë dhe të qartë në dërgimin e urimeve, veçanërisht për një aleat kaq të rëndësishëm”, tha një këshilltar i politikës së jashtme të një udhëheqësi të Evropës Veriore.

“Por është me rrezik këtë herë. Ju nuk doni ta bëni atë gabim, ose të lëvizni shumë shpejt”.

Nga fillimi i zgjedhjeve deri te fitorja e Biden - E gjitha ajo që ndodhi në zgjedhjet presidenciale në SHBA Nga fillimi i zgjedhjeve deri te fitorja e Biden - E gjitha ajo që ndodhi në zgjedhjet presidenciale në SHBA

Këshilltarët e politikës së jashtme kujtojnë zgjedhjet e SHBA-së në vitin 2000, kur një mori udhëheqësish – përfshirë presidentët e Gjermanisë dhe Francës, kryeministrin e Zelandës së Re dhe partitë në pushtet në Afrikën e Jugut, Korenë e Jugut dhe Japoninë – i dërguan urime George W. Bush pas rrjetet televizive amerikane e kishin shpallur fitues.

Do të duheshin edhe pesë javë para se Gjykata e Lartë të vendoste në favor të tij, duke i dhënë më në fund fitoren ndaj Al Gore.

Në ndërkohë, disa udhëheqës tërhoqën urimet e tyre. Të tjerët thjesht heshtën.

Gara e vitit 2016 midis Trump dhe Hillary Clinton prodhoi një përfundim të ngjashëm “të ngushtë”, me Clinton që fitoi votën popullore, por Trump siguroi mbështetjen e Kolegjit Zgjedhor.

Këtë vit, Jean-Claude Juncker, ish-presidenti i Komisionit Evropian, tha se ishte kritike të mos dërgoheshin urime shumë shpejt.

Ndërsa këshilltari kryesor i një udhëheqësi tjetër evropian e përshkroi situatën si “të komplikuar dhe delikate”, duke thënë se varet nga sa i qartë ishte rezultati, dhe nëse të dy kandidatët e pranuan atë. Të dy mund të pretendonin fitoren, sugjeroi ai.

Gjithashtu Trump mbetet president deri më 20 janar dhe do të ishte e mençur të tregohej respekt. /Telegrafi/