Deshi të vjedh veturën me pasagjerë brenda, polici në Houston qëllon për vdekje hajnin – aksidentalisht një plumb godet në kokë edhe njëvjeçarin e ulur në pjesën e pasme

Një djalë 1-vjeç që është qëlluar në kokë nga një polic në Houston të Teksasit, derisa po tentonte të parandalonte rrëmbimin e një veture me pasagjerë është ende duke luftuar për jetë, e sipas të ëmës së tij vogëlushi nuk e ka “merituar” këtë.

Daisha Smallas ishte ndalur në pompë për ta mbushur me benzinë veturën në jugperëndim të Houston, kur një burrë i armatosur që tentonte arratisej nga policia, deshi të rrëmben veturën së bashku me gruan dhe të birin e saj Legend Smalls, transmeton Telegrafi.

“Djaloshi im ishte në karriget e pasme të veturës”, Daisha Smalls ishte dëgjuar duke bërtitur.

I dyshuari i identifikuar si 33-vjeçari Broderick Woods, po voziste Mercedes-Benzin që ishte përdorur gjatë dy plaçkitjeve tjera kur policia iu vu pas dhe përfunduan në pompën e derivateve – dhe tentoi të vjedh veturën e Smalls.

Zyrtari policor i identifikuar si E. Gara kishte hapur zjarr mbi veturën e Smallsit, duke qëlluar për vdekje Woodsin, baba i tre fëmijë, por ai goditi edhe Legendin – vogëlushin që qëndronte i ulur në pjesën e pasme të veturës.

“Djali im lufton çdo ditë për jetë”, tha Smalls për mediat lokale, duke shtuar se “foshnja e saj nuk e kishte merituar të qëllohet – në veçanti jo nga policia”.

Djaloshi është akoma në repartin e kujdesit intensiv, ku mjekët kanë bërë të ditur se “duhet të presin dhe shohin” nëse mund të shërohet. /Telegrafi/