Derbi në “Fadil Vokrri” i takon Prishtinës – bardhekaltrit fitojnë bindshëm ndaj Feronikelit

Prishtina e ka fituar derbin ndaj Feronikelit në kuadër të javës së 27-të në Superligën e Kosovës me rezultat 3-1.

Pas vetëm 11 minutash lojë në stadiumin ‘Fadil Vokrri’, bardhekaltrit kaluan në epërsi me golin e Otto John që u asistua nga Armen Thaçi.

Por, as një minutë nuk kaloi nga goli i epërsisë së vendasve, kur Albert Dabiqaj i Niklit i barazoi shifrat në 1-1 me një harkim të Da Silvës.

https://www.facebook.com/fcferonikeliofficial/photos/a.134620593396356/1347251862133217/?type=3&__xts__%5B0%5D=68.ARDubS7IyFQws5Pj14ASjegS0VkFtqJXGuKmJFpgEx9hrXPynYplBjTI1wlw3BlvMMgNxp4OGMv2umSkS38wA-CfKwhU660odO2UGgA4ybi27pF_89jtXQl8s911PvVKoDtfH4rkk33R_lyP_XUAji_5U45zL0BFBdBnwEJD1nP4hZQGr3uWk42NXtC2Xbq4DgAkuOU87cz-vl1zk2kAd1Jm3-T0Wcd8f4A_8731rZsxxX043phAlr66cMfAr6Lr6jVkaM7-qgbNuy9MeWIV-D5035K473WyIDbwfvX5Q1QPVCtk5DXFrZS0kxXCUuq9YIUjG5Oy9EqqIFO_ZaUxHV7lZQ&__tn__=-R

Prishtina më pas filloi me disa aksione të bukura për ta rikthyer epërsinë, duke rrezikuar sërish me anë të John (35’), por goditja e tij u ndal nga portieri Deniz Troshupa.

Kur u mendua se pjesa e parë por përfundonte me barazim, Guthier Mankenda shënoi në minutën e 45-të nga një top i kthyer prej portierit kundërshtar Troshupa.

Në pjesën e dytë ishte po ashtu një dominim i Prishtinës, e që në minutën e 57-të, Ahmed Januzi e thelloi epërsinë e vendasve.

Yll Hoxha (67’) bëri një gjuajte nga distanca, por nuk kishte probleme për Visar Bekajn që e dëboi topin në fundore.

Feronikeli edhe një herë rrezikoi, tani me anë të Mevlan Zekës në minutën e 78-të, mirëpo Bekaj ishte sërish në vend.

Në fund, Prishtina arriti të ruante rezultatin dhe mori tri pikë mjaftë të vlefshme në javën e 27-të.

Skuadra e udhëhequr nga Armend Dallku gjendet në pozitën e dytë me 54 pikë, katër më pak se lideri Drita, ndërsa Feronikeli është në vendin e pestë me 44 sosh. /Telegrafi/