Deputeti i Bundestagut: Nuk është më i mundur bashkëpunimi i Gjermanisë me këtë lloj qeverie në Serbi, Vuçiq ka humbur kredibilitetin

Gjermania është një partner i besueshëm i Serbisë, por me një strukturë të tillë politike është pothuajse e pamundur të bashkëpunohet, tha sot deputeti i Bundestagut, Josip Juratoviq.

Në një intervistë për gazetën nova, Juratoviq deklaroi se nuk ka parë parregullsi zgjedhore si ato në Serbi gjatë zgjedhjeve të fundit parlamentare dhe lokale dhe se duhet të insistohet në përsëritjen e zgjedhjeve.

Lexo po ashtu Deklarohen nga Departamenti amerikan i Shtetit për protestat e dhunshme në Serbi

“(Presidenti serb Aleksandar) Vuçiq përfundimisht ka humbur të gjithë kredibilitetin me këto zgjedhje, jo vetëm në BE dhe në Perëndim, por edhe në shkallë globale. Një njeri që drejton politikën dhe një vend në atë mënyrë nuk mund të jetë partner i besueshëm për askënd”, thekson ai.

Duke komentuar trazirat që shpërthyen më 24 dhjetor para Kuvendit të qytetit të Beogradit, Juratoviq tha se nuk do të habitej nëse policia do të provokoj qëllimisht ata që duan t’i kthejnë ato demonstrata në kaos në sytë e publikut për të krijuar një imazh të shëmtuar të demonstruesve, transmeton Telegrafi.

“Kam qenë prej kohësh i mendimit se bashkëpunimi i mëtutjeshëm me Serbinë duhet të bëhet ekskluzivisht përmes institucioneve shtetërore. Pra, me Qeverinë, ministritë dhe parlamentin, jo me një njeri. Përveç kësaj, negociatat e mëtejshme me BE-në duhet të ngrihen derisa Serbia të përmbushë kriteret e Kopenhagës dhe qartë të ndihmës së mëtejshme financiare”, thekson ai.

Deputeti shton se bashkësia ndërkombëtare dëshiron një Serbi të fortë dhe politikisht stabile, e cila është e mundur, siç thotë ai, vetëm në bazë të vlerave demokratike, “të cilat në Serbi janë shkelur dukshëm”.

“Së pari, pse të urojmë (fitoren zgjedhore të Presidentit të Serbisë) Aleksandar Vuçiq? Epo, ai nuk ishte kandidat për asgjë, por abuzoi me zgjedhjet e parakohshme për mbijetesën e tij politike. Së dyti, me mënyrën se si ai e udhëheq vendin dhe veçanërisht në lidhje me këtë fushatë, askush përveç autokratëve më të mëdhenj nuk mund ta respektojë politikën e tij”, u përgjigj Juratoviq.

Lexo po ashtu Pamje të tjera të reagimit brutal të policisë ndaj protestuesve në Beograd – teksa Vuçiq postoi një fotografi duke ngrënë mollë

Ai shtoi se bashkësia ndërkombëtare është mashtruar aq shumë nga politika shumëplanëshe e Vuçiqit, saqë askush në Lindje, e veçanërisht jo në Perëndim, nuk e merr më seriozisht atë.

“Një fushatë e tillë brutale zgjedhore nuk është parë kurrë më parë. Përveç kësaj, deri më tani ka qenë problem edhe që opozita nuk ka performuar me mjeshtëri dhe nuk ka pasur një mbështetje kaq të vendosur nga populli si tani”, tha deputeti i Bundestagut.

Juratoviq në fund deklaroi se sistemi demokratik i Evropës po mbrohet edhe në Ballkanin Perëndimor dhe se çdo lëshim ndaj organizatave autokratike kriminale dhe politike dëmton besueshmërinë e BE-së dhe strukturave demokratike nga të dyja palët. /Telegrafi/