Deputetët diskutojn për ndarjen e 10 milionë eurove nga qeveria për pagesën e rrymës në veri të Kosovës
Komisioni për të Drejtat e Njeriut, Barazi Gjinore, për Persona të Pagjetur dhe Peticione në mbledhjen e mbajtur sot, ka diskutuar lidhur me ndarjen e mjeteve në vlerë prej 10 milionë euro nga ana e Qeverisë së Kosovës për pagesën e shpenzimit të rrymës në veri të Kosovës.
Kryesuesi për Financa, njëherësh deputeti i LVV-së, Hekuran Murati në këtë mbledhje sqaroi vendimin që e ka mbështetur në saj të kërkesës që ka bërë Zyra e Rregullatorit të Energjisë.
Ai ka siguruar se me përfaqësimin e KOSTT-it, buxheti do të shtohet për 7 milionë euro deri 8 milionë euro.
“Ky problem ka ekzistua që nga paslufta që iu është faturuar qytetarëve të pjesës jugore shpenzimet e rrymës nga ana e qytetarëve në veri, e sidomos në vitin 2012 është zyrtarizua kur në atë kohë e kërkesë të qeverisë i është bërë kërkesë ZRRE-së që para se mu shit KEDS kjo energji tu faturohet qytetarëve të vendit. Ky ka qenë më shumë problem në mes Qeverisë dhe KEDS-it në kohën kur është privatizua KEDS”, ka thënë Murati.
Ai ka shtuar se me një zotim prej 10 milionë eurove kemi siguruar që të bëhet pavarësimi i sistemit energjetik dhe KOSTT-i të inkasoj 8 milionë euro deri 10 milionë euro në vit e të cilat mund t’i ndahen pastaj shtetit.
Kurse anëtarja e këtij komisioni nga radhët e PDK-së, Besa Ismaili tha se vendimi për ndarjen e 10 milionë eurove për qytetarët serbë të veriut është i vërtetë.
Ajo tha se sipas qeverisë, kjo ndarje nuk është bërë si mbulesë për shpenzimet por, si garanci për tu kyçur në sistemin e operatorëve.
Ismaili njoftoi se ZRRE-ja ka premtuar që në vitin 2021, çdo gjë do të operojë si në çdo pjesë tjetër të Kosovës.
“Sot kishim një takim të veçanta për shkak të paqartësisë nëse ka një vendim ose jo nga Qeveria për ndarjen e mjeteve. Sot u sqaruam ato që i kishim ditur edhe me herët por, na u deshtë të dëgjojmë edhe nga pala. 10 milionë euro janë zotuar jo si mbulesë e shpenzimeve në veri siç ka qenë më herët por si garant për tu kyçur në sistemin e operatorëve. Kishim disa shqetësime të cilat janë të moçme por që barra e implementimit të tyre bie mbi ZRRE-në”, tha ajo.
Ismaili tha se kanë folur edhe për sigurinë fizike për të inkasuar dhe shikuar problemet për energji elektrike në pjesën veriore të vendit.
“Ne qysh dje si komision kemi qenë në pjesën veriore dhe në shumë fshatra atje të banuar me shqiptarë. Siguria fizike atje nuk do të duhej të ishte arsyetim. Në anën tjetër nuk e dimë si mbulohen humbjet në pjesët tjera të Kosovës, apo gjithmonë ka një mbulesë që shkon me protokollin e Veriut. Janë çështje që do të vazhdojmë t’i hulumtojmë”, tha Ismaili. /Telegrafi/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Shtrohet darka tradicionale për musafirët special të Panairit Horeca
EBC Cosmetics vjen me zbritjen më të madhe vjetore
Modë apo relaks?
Eksploro natyrën me stil dhe komoditet me ofertat e Melodia Px për Ditën e Punëtorëve!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre