Dëmtimi i gypit në fshatin Qerim, shkak i ndërprerjes së ujit në Gjakovë, Rahovec dhe fshatrat e Lumbardhit

Si pasojë e një dëmtimit të gypit kryesor që bënë furnizimin me ujë në fshatin Qerim, Gjakova, Rahoveci dhe fshatrat e Lumbardhit kanë mbetur pa ujë të pijes.

Për të kuptuar se si qëndron situata me dëmtimin e këtij gypi si dhe për të marrë më shumë informacione se kur pritet të ri-kthehet furnizimi me ujë të pijes në lokacionet e lartëpërmendura, Telegrafi ka kontaktuar me KRU “Gjakova”, të cilët në përgjigjet e tyre fillimisht kanë përmendur shkaqet e prishjes së gypit.

“Dëmtimi i gypit në fshatin Qerim, ka ndodhur për shkaqe natyrore kryesisht nga vjetërsia e gypit.”, thuhet fillimish në përgjigjjen e KRU “Gjakova” dërguar Telegrafit.

Ndërsa nga kompania në fjalë poashtu kanë bërë të ditur se kur pritet të kthehet furnizimi me ujë të pijes për lokacionet që aktualisht u është ndërprerë ky shërbim.

“Zakonisht kur kemi defekte të këtij lloji punimet zgjasin sepse bëhet fjalë për gypin kryesor furnizues i madhësisë DN 1100. Ekipet janë mobilizuar që nga orët e para të mëngjesit me të gjitha kapacitetet e nevojshme. Me progresin që kanë arritur punimet deri më tani, pritet që furnizimi të rikthehet në orët e para të mbrëmjes.”, bëhet e ditur në përgjigjjen e KRU “Gjakova” , raporton Telegrafi.

Ndër të tjera KRU “Gjakova” bën të ditur se janë mobilizuar në ofrimin e furnizimit të përkohshëm me ujë përmes cisternës aty ku është e domosdoshme./Telegrafi/