Ministri i Forcës së Sigurisë së Kosovës Haki Demolli, thotë se ai dhe Grupi Parlamentar i LDK-së, do ta përkrahin Projektligjin e FSK-së, në momentin që ai do të jetë për votim në Kuvendin e Kosovës.
Demolli në një intervistë për KosovaPress tha se Projektligji për FSK-në, i cili është dorëzuar ditë më parë në Ministrinë që ai drejton, nesër do t’i dorëzohet Qeverisë së Kosovës, me opinionin që do të jap kjo Ministri për këtë Projektligj.
“Me iniciativën e presidentit të shtetit, i cili konform dispozitave kushtetuese dhe konform dispozitave të tjera ligjore, ka të drejtë që të marrë iniciativën për procedimin e aprovimit e ligjeve nga fushë veprimtaria e tij, javën e kaluar presidenti i shtetit ia ka dorëzuar kryetarit të Kuvendit draft ligjit për FSK-në, në të cilën parashihet zgjerimi i misionit të FSK-së në periudhën e ardhshme.
I njëjti Draft ligj më vonë iu ka procedua Qeverisë së Kosovës, respektivisht kryeministrit, i cili e ka përcjellë tek tri ministritë përkatëse. Konkretisht e ka përcjell tek ministria e FSK-së, për të dhënë opinionin e vet lidhur me këtë projektligj. Pastaj te Ministria e Financave për deklaratën financiare, si dhe e ka përcjell tek Ministria e Integrimeve Evropiane, për të parë pajtueshmërinë apo përputhshmërinë e tij me ligjet e Bashkësisë evr opiane. Faktikisht ne këtë draft ligj e kemi marrë javën e kaluar dhe menjëherë ditën që e kemi marrë, unë së bashku me menaxhmentin e lartë të Ministrisë së FSK-së, kemi caktuar dy grupe punuese.
Njëri prej tyre do të merret pikërisht me trajtimin, respektivisht me studimin e ligjit, në mënyrë që të jap opinionin e vet lidhur me këtë Draft ligj. Derisa jemi duke dhënë këtë intervistë, mund t’iu them se grupet punuese janë duke punuar dhe ne do të kemi nesër një prezantim të grupit punues para menagjmentit të lartë të Ministrisë së FSK-së. Planifikojmë që të njëjtin t’ia procedojmë Qeverisë së Kosovës gjatë ditës së nesërme”, tha Demolli.
Demolli teksa tregon se ai së bashku me Grupin Parlamentar të LDK-së, do t’i japin përkrahje këtij Projektligji, thotë se do të ndihej mirë, që gjatë periudhës sa ai është ministër i FSK-së, të ndodh transformimi i kësaj force në ushtri të Kosovës.
“ Unë e di që iniciatori i ligjit, respektivisht presidenti i shtetit, ka deklaruar publikisht që çdo veprim që ka ndërmarrë Presidenca është në koordinim dhe bashkërendim me faktorin ndërkombëtar. Andaj ne besojmë se një koordinim dhe bashkërendim i tillë ekziston. Gjithsesi ne do ta përkrahim.
E kam theksuar më parë publikisht, prapë do ta them se edhe unë si ministër i FSK-së, por edhe Grupi Parlamentar i LDK-së, do ta përkrah draftligjin e tillë. Sepse nuk besoj që ka shqiptar në Kosovë, i cili nuk e dëshiron një gjë të tillë të ndodh sa më parë që është e mundur.
E aq më parë që gjatë mandatit tim sa jam ministër i FSK-së të ndodh një gjë e tillë, që për tërë jetën do të figuron në CV-në time në biografinë time, se transformimi i FSK-së ka ndodhur gjatë periudhës sa unë kam menaxhuar Ministrinë e FSK-së”, tha ai.
Demolli tregon se ka pasur biseda me partnerët strategjik të Kosovës, por se nuk ka marrë ndonjë vërejtje apo shqetësim nga ta, lidhur me Projektligjin për FSK-së.
“ Unë kam pasur biseda, por nuk kam ndonjë vërejtje, ndonjë shqetësim në drejtim të tillë. Mirëpo çdo gjë mbetet tek iniciuesi, respektivisht tek sponzoruesi i ligjit që është Presidenca”, tha ai.
Demolli shprehet i vendosur që me apo pa pëlqimin e faktorit ndërkombëtar, ata do të jenë pro këtij Projektligji.
Ndryshe, Projektligji për transformimin e FSK-së në ushtri të Kosovës, u iniciua ditë më parë nga presidenti i Kosovës Hashim Thaçi, i cili i dorëzoi këtë Projektligj kryeparlamentarit Kadri Veseli.
Një ditë më vonë, Kryesia e Kuvendit e ka proceduar Projektligjin në Qeverinë e Kosovës, e cila ka afat një muaj ta procedojë për votim në Kuvendin e Kosovës. Ky projektligj ka ngjallë reagim tek faktori ndërkombëtar NATO dhe SHBA-të, të cilët kanë deklaruar se transformimi i FSK-së duhet të bëhet me ndryshime kushtetuese dhe jo në mënyrë të njëanshme përmes Projektligjit për FSK-në.
Lufta Prigozhin - Putin
Më shumëNga Rubrika
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Malet shqiptare tërheqin dhe gjermanët, veç natyrës vlerësojnë njerëzit, mikpritjen dhe ushqimin
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Departamenti amerikan i Shtetit demanton dyshimet e ngritura ndaj Escobarit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre