Kuptojeni se është betejë politike, fare normale në kushtet e një shoqërie që e quan veten demokratike. Nuk është betejë për salla, korridore, bodrume, haure, kotece, WC!

Çfarë mesazhi u jepet krerëve dhe militantëve në të gjithë Shqipërinë, kur te ish ShQUP-i (Shtëpia Qendrore Ushtarake Popullore), ka përplasje qoftë edhe verbale dhe pastaj shkëmbime sharjesh dhe fyerjesh, për një sallë!

Në vend që shefi i administratës të dilte te dera dhe t’i priste me njerëzillëk e t’u thoshte: Sallë doni? Posi, ja ju gjej një! Por, mos bërtisni shumë se ka edhe mbledhje të tjera këtu!

Kuptojeni këtë! Demokracia është betejë politike edhe brenda partive. Përndryshe pranoni shoqërinë piramidale ku kryetari i partisë nuk lejon as mizën të bëjë shurrën te dritarja e shefit të administratës!

Reklama
Reklama

Një problem kaq minor dhe krijon sherre të kota, por që mund të ndizen në mënyrë të pakontrolluar në të gjithë vendin!

Shefi i administratës të ndërtesës të ish ShQUP-it të bëjë gati salla ku jo vetëm anëtarë kryesie dhe shefa, por ku çdo grup seksioni po të dojë të bëjë mbledhje, koncerte, debate, çfarë t’i dojë kokrra e zemrës!

Nuk është politikë, është administrim ndërtese publike në pronësi të partisë!

Hapini hapësirat për anëtarët e partive! Nesër do të ndani edhe zyrat në Kuvendin e Shqipërisë! Edhe zyrat e anëtarëve të këshillave kur të bëhen zgjedhjet bashkiake! Edhe pronat! Pse çfarë kujtoni? Mos e kujtoni lojë?

Reklama

O përjashtoji nga partia dhe mos i qas, apo të përjashtojnë ata dhe nuk të qasin, ose po qe se i ke në parti, ndërtesa është e militantëve, nuk është prona ku bëjnë foletë kryetarët dhe ku nuk hyn as miza pa kaluar nja dymijë roje që të shohin në kokërr të syrit.

Reklama

Mjaft me këto budallallëqe! Le të bëhet beteja politike, por me rregulla dhe qetësisht, jo me rënie me karrige kokës a luftë me rripa pantallonash nëpër WC.

Si mund ta quash atë masë drejtuesish të partisë si grup hajnish, kur dje i quaje demokratë të ndershëm. Kur votojnë pro teje janë demokratë, kur të kundërvihen janë hajni!

Reklama

Çfarë bëhet kështu? Ja paskëshin qenë dhjetë, njëzet, njëqind hajna! Të gjithë hajna janë?!

Duhej rrethuar si në Kili stadiumi me trupa ushtarake dhe kthyer në burg!

Fërkoj sytë! Mos jam në ëndërr!