Ousmane Dembele në një intervistë për RMC foli për gjithçka që i ka ndodhur në sezonet e fundit.
Ai ka thënë se ka humbur pesë vjetë nga jeta e tij, shkaku që nuk stërvitej si duhet dhe lëndohej shpesh.
"Më duhej të punoja që të luaja dhe të performoja. Doja të isha i shëndetshëm, të isha i shëndetshëm që të mund të luaja dhe më pas të mund të performoja më mirë pak nga pak".
“Stili im i jetesës në vitet e para te Barça? Isha i ri si gjithë të tjerët. Por unë arrita të dal nga kjo situatë. Megjithatë, jo gjithçka është ashtu siç e imagjinonin njerëzit. Nga 2017 deri në 2021 kam humbur kohën time jashtëzakonisht. Kam humbur pesë vjet nga jeta ime”.
"Kam pasur shumë dëmtime në muskuj. Nëse nuk punon, do të ngecësh. Do të lëndosh veten, nëse nuk forcohesh, më thanë. Me Koeman dhe Xavi u bë më mirë. Që atëherë, nuk kam pasur asnjë lëndim, vazhdojmë të punojmë. Jam mirë, ndihem mirë te Barcelona, kam besimin e të gjithë ekipit, të gjithë klubit dhe jam i lumtur. Tani të gjithë flasin për futbollin, është më mirë”, ka thënë Dembele.
Ai u ndal edhe tek përmirësimi që ka përjetuar që kur Xavi Hernández u ul në stolin e Barçës.
"Me besimin e Xavit, u detyrova të qëndroja. Unë me të vërtetë dua që Barça të fitojë përsëri Ligën e Kampionëve. Kanë kaluar shtatë vjet që kur klubi e fitoi atë."
“Më kujtohet një takim mes meje dhe Xavi në muajin dhjetor. I thashë se do të firmosja kontratën time”, ka thënë francezi që ka rifituar edhe vendin në ekipin e Francës./Telegrafi/
