I del gjak prej syve, veshëve, gojës dhe prej kokës, deri dhjetë herë në ditë – as mjekët nuk e dinë pse! (Foto,+16)

Një i ri indian i cili kishte filluar të “qante gjak” që kur ai ishte vetëm 10-vjeç i është vënë emri ‘djali Stigmata’.

Kjo gjendje misterioze mjekësore do të thotë se Akhilesh Raghuvanshi, tani 13, përcjell Telegrafi, nxjerr gjak nga veshët e tij, sytë, goja, këmbët dhe vija e flokëve të tij, deri në dhjetë herë në ditë.

Gjendja e dhimbshme e Akhilesh, i cili sheh gjakderdhje nga trupi i tij, edhe pse ai nuk ka qenë i prerë ose i gërvishtur, e ka lënë atë me lodhje ekstreme dhe migrenë rrënuese.

Prindërit e tij fillimisht menduan se djali i tyre vuante nga dehidrimi, kur ai filloi të rridhte gjak nga hunda e tij, tre vjet më parë – por ata shpejt e kuptuan se ishte diçka më serioze.

Madje, përcjell Telegrafi, edhe mjekët janë të habitur se pse gjaku i tij fillon të rrjedh nga trupi i Akhilesh, edhe pse ata mendojnë se ai mund të vuajë nga një gjendje tepër e rrallë, e njëjtë me haemolacria – ku njerëzve, në vend të lotëve, u rrjedh gjak.

Vetëm një grusht njerëzish rreth globit besohet se vuajnë nga stigmata – një emër i dhënë mundimeve që imitojnë ato që Jezu Krishti besohet të ketë pësuar gjatë kryqëzimit.

Akhilesh, nga Ashoknagar në Madhya Pradesh, është studiuar nga mjekët e një instituti të shkencave mjekësore në Indi, por ata nuk kanë mundur të japin një diagnozë zyrtare rreth gjendjes së tij.

Dhe nxënësi është i dëshpëruar për të gjetur shërim.

Ai tha: “Më rrjedh gjak nga sytë, duart, koka – nga të gjitha anët. Qes gjak nga veshët, hunda dhe sytë, gjtiashtu. Kur më del gjak nga veshët, ndiej të nxehtë”.

“Më ndodh një herë, ndonjëherë edhe 10 herë në ditë. Ndonjëherë, gjakderdhja ndalon dhe nuk më paraqitet për muaj të tërë”.

“Por, në 15 ditët e fundit kam gjakderdhje pothuajse të përditshme.

“Kjo nuk më shkakton dhimbje kur fillon gjakderdhja, por më bën të lodhur dhe ndonjëherë kam dhimbje koke”.

Pasi mjekët në Indi kishin mbetur të habitur, babai i tij, Arun, një fermer, bëri thirrje për mjekët anembanë botës për të ndihmuar trajtimin e gjendjes së djalit të tij. /Telegrafi/