Dëgjohen 117 “bomba” në lëndën “Titanik”, Mile Janakieski ka bërë presion mbi votuesit

Gjithsej 117 “bomba” sot janë dëgjuar në Gjykatën Penale në Shkup në seancën për parregullsitë zgjedhore “Titanik” të Prokurorisë Speciale Publike. Në pjesën më të madhe të bisedave nga marsi i vitit 2013 morën pjesë ish-ministri i Transportit dhe Lidhjeve, Mile Janakieski, i cili u është lajmëruar personave përgjegjës në ministritë, institucionet dhe shkollat që të kryejnë presion ndaj të punësuarve që të votojnë në zgjedhje.

Nga audio incizimet e lëshuara si material dëshmues dëgjohet se si Janakieski u lajmërohet ministrave, drejtorëve dhe personave kompetent që të kryejnë të dalin dhe të votojnë ushtarë, doktorë, të punësuar në MPB, Filharmoni, Ministritë e Drejtësisë, Bujqësisë, Ndërmarrjeve Publike “Parqet dhe Gjelbërimet”, Higjiena Komunale, etj.

Mile në bisedë me ish-ministren e Kulturës, Elizabeta Kançeska-Milevska i tregon me emër dhe mbiemër se cilët të punësuar duhet t’i locojë dhe nesër me familjen të votojnë, përderisa në një bisedë tjetër me një kompetente nga Ministria e Drejtësisë e këshillon që të lajmërohet personalisht te njerëzit, sepse ai këtë e ka bërë dhe ka pas efekt.

Në njërën nga bombat, Mile i sqaron një bashkëbisedueses se si kontrollojnë se të punësuarit kanë dalë të votojnë.

Ndërsa në njërën nga bisedat më vonë sqaron se të gjithë të punësuarit duhet pas votimit në Komitetin Komunal që të nënshkruajnë, “ky është sistem i kontrollit të dyfishtë”, thotë Mile.

Në lëndën “Titanik” janë parashtruar më shumë se 1.000 audio incizime në listën e dëshmive materiale nga PSP, ndërsa deri më tani janë dëgjuar më shumë se 500./Telegrafi/