“Dëgjo popullin tënd dhe ki besë – bashkëpuno me Greqinë”

Kriza e refugjatëve në Ballkan nuk ka ngelur jashtë vëmendjes së shtypit grek.
Në një koment të botuar në gazetën greke ”Kathimerini”, Evangelos Venetis ka kritikuar kryeministrin e Shqipërisë Edi Rama, lidhur me qasjen e tij për sa i takon krizës së refugjatëve sirianë që kanë mbetur të bllokuar në Ballkan.

Komenti i Evangelos Venetis, me titullin “Zoti Rama, dëgjo popullin tënd dhe ki besë, bashkëpuno fillimisht me Greqinë”, thekson se “grekët dhe shqiptarët janë dy kombet më të vjetër të Gadishullit të Ballkani, secili ka kujtesën e vet kolektive”.

…“edhe shqiptarët nga ana e tyre nuk harrojnë valët e emigrimit drejt Turqisë në shekullin e 20­të dhe kryesisht në Greqi dhe Itali 25 vjet më parë. Ata kujtojnë skenat e ashpra në 7 dhe 8 gusht 1991 në portin e Durrësit, ku mijëra shqiptarë u mblodhën për të ikur drejt Italisë. Ata kujtojnë se si këta emigrantë shqiptarë u përshëndetën nga karabinierët italianë në Bari. Disa raportime thonë se 12 shqiptarë u vranë nga italianë të armatosur, ndërsa shumë të tjerë u mbytën në det”, shkruan “Kathimerini”.

“Në ditët e sotme, kriza e vazhdueshme e refugjatëve ngjall kujtime të forta për të dyja palët, grekët dhe shqiptarët. Të dy popujt kanë besë, apo besim. Sot, në personin e zotit Rama, Shqipëria është e ftuar nga historia të dëshmojë besë te Greqia. Nëse Rama refuzon të mbaj mend, ai do të harrohet nga njerëzit e tij”,përfundon shkrimi i “Kathimerini”.

…“edhe shqiptarët nga ana e tyre nuk harrojnë valët e emigrimit drejt Turqisë në shekullin e 20­të dhe kryesisht në Greqi dhe Itali 25 vjet më parë. Ata kujtojnë skenat e ashpra në 7 dhe 8 gusht 1991 në portin e Durrësit, ku mijëra shqiptarë u mblodhën për të ikur drejt Italisë. Ata kujtojnë se si këta emigrantë shqiptarë u përshëndetën nga karabinierët italianë në Bari. Disa raportime thonë se 12 shqiptarë u vranë nga italianë të armatosur, ndërsa shumë të tjerë u mbytën në det”, shkruan “Kathimerini”.

“Grekët u dhanë punë shqiptarëve dhe ata ndihmuan gjithashtu që ekonomia greke të rritej më tej. Sot në Greqi janë qindra mijëra shqiptarë që dërgojnë para në familjet e tyre në Shqipëri. Duke kuptuar se çfarë do të thotë të jesh një refugjat, shumë grekë bënë atëherë, atë që shumë janë duke bërë edhe sot. Por çfarë është duke bërë qeveria shqiptare?”, shtron pyetjen “Kathimerini”.

“Në vend që bashkëpunimi i parë të jetë me Greqinë fqinje, zoti Rama preferon bashkëpunimin me Italinë, për sigurinë e territorit shqiptar, duke harruar kështu ngjarjet e vitit 1991 dhe duke dhënë përshtypjen se Shqipëria nuk është në gjendje të trajtojë vetë çështjet e sigurisë”, shkruan gazeta greke.

“Kështu, në vend të mbylljes së kufijve, zoti Rama duhet të kuptojë që tani pranvera ka ardhur, bora në male ka shkrirë dhe shtigjet janë hapur. Në të njëjtën kohë refugjatët janë tashmë duke lëvizuar drejt veriut në kufi me Shqipërinë. Dhe ai nuk mund të bëjë ndonjë gjë për t’i ndaluar ata të kalojnë malet e larta të Epirit. Në vend që të mbështetet te policia italine, me siguri do të ishte e mençur që ai ta ndante me Greqinë ekspertizën e menaxhimit të qendrave të pritjes së refugjatëve. Bashkë me Athinën ai do të ishte në gjendje të trajtonte më mirë rrjedhën e refugjatëve”, shkruan “Kathimerini”.

“Në ditët e sotme, kriza e vazhdueshme e refugjatëve ngjall kujtime të forta për të dyja palët, grekët dhe shqiptarët. Të dy popujt kanë besë, apo besim. Sot, në personin e zotit Rama, Shqipëria është e ftuar nga historia të dëshmojë besë te Greqia. Nëse Rama refuzon të mbaj mend, ai do të harrohet nga njerëzit e tij”,përfundon shkrimi i “Kathimerini”.