Dega e LDK-së në Kaçanik kandidon këshilltaren e Vlora Dumoshit për deputete

Këshilltarja e Ministres së Kultures, Vlora Dumoshi, Ardita Rrahmani do t’i futet garës për Kuvendin e Kosovës.

Dega e LDK-së në Kaçanik ka caktuar që ajo të kandidohet për deputete.

Njoftimin e bëri të ditur vet Rrahmani përmes rrjetit social “Facebook”.

“Mundësi e jashtëzakonshme në rrethana jo të zakonshme.

E rritur dhe e bindur nga një familje qe beson në vlera të demokracisë dhe duke e parë rininë si opsionin më të mirë për të promovuar ato vlera e po ashtu duke besu në alternativat e ofruara nga rinia dhe qarqet për rreth, sot e kam marr edhe një mbështetje edhe më të madhe nga njerëz qe ndajnë të njejtin mendim dhe kanë të njëjtin vizion me mua të shpallë kandidaturën time për deputete në Kuvendin e Republikës së Kosovës në këto zgjedhje të 14 shkurtit.

Në jetë jo çdo gjë është e lehtë, po asgjë nuk është e pamundur kur punohet me përkushtim dhe vullnet. Falënderoj degën e LDK në Kaçanik, gjithsecilin anëtarë të saj për besimin dhe vlerësimin ndaj meje. Lidhja Demokratike e Kosovës është ajo çka ndër vite bën diferencën në shtet, dhe ajo në të cilën unë vazhdoj të besoj tash e sa vite.

Të prirë nga një njeri me vlera te mëdha, dalshim faqebardhë në këtë proces. Mbesim në lidhje”, shkroi ajo.