Deco do të takohet me agjentin e Dani Olmo, ëndërrohet rikthimi i tij te Barcelona

Dani Olmo do të largohet nga RB Leipzig gjatë afatit kalimtar veror, megjithatë ende nuk dihet se ku do të përfundojë në sezonin e ri.

Mesfushori ofensivë spanjoll është një nga lojtarët më të kërkuar sidomos nga skuadrat angleze, por edhe nga Barcelona.

Drejtori sportiv i Barcelonës, Deco do të takohet me agjentin e Dani Olmo, raporton Diario Sport.

Lexo po ashtu Mes Gjermanisë, Anglisë dhe Spanjës, tre top klube të gatshme të nënshkruajnë me Dani Olmon

Takimi do të jetë para së gjithash për Mikayil Faye, i cili ndan të njëjtin agjent me spanjollin. Katalanasit po përpiqen të shesin mbrojtësin për të përmirësuar pozicionin e tyre në FFP.

Mirëpo në bisedë do të shfaqet edhe tema e Olmos. Deco është një tifoz i madh i mesfushorit të Leipzig, por e kupton që klubi nuk mund të shpenzojë 50-60 milionë euro për të.

Lexo po ashtu Liverpooli futet në garë për yllin spanjoll, të gatshëm ta paguajnë klauzolën e tij

26-vjeçari është i ‘fiksuar’ pas idesë së një kalimi te Barcelona.

Pra, edhe nëse katalanasit nuk mund ta bëjnë këtë këtë vit, mund të ketë një mundësi për të arritur një marrëveshje në të ardhmen.

Kujtojmë që Olmo është produkt i Akademisë ‘La Masia’, derisa në garë për të janë edhe Chelsea, Man City, Man Utd dhe Liverpool. /Telegrafi/