Declan Rice ka vendosur të bëjë disa ndryshime në karrierë, duke e bërë babain e tij agjent.
Mesfushori i West Ham United është duke e shijuar një formë të lartë në këto sezonet e fundit, derisa Chelsea po e kërkon me ngulm transferimin e tij.
Frank Lampard po e kërkon me ngulm transferimin e tij dhe në janar mund të ndodhë që një gjë e tillë të realizohet.
Sipas asaj që raporton The Athletic, Declan Rice tani do të përfaqësohet nga babai i tij, Sean, që është tifoz i madh i Chelseat dhe mbajtës i biletave në Stamford Bridge.
Nuk është tashmë befasi që ai dëshiron të ribashkohet me The Blues, pasi në të kaluarën ka qenë pjesë e akademisë së tyre.
Rice po ashtu ka raporte të shkëlqyera me Mason Mountin, e mund të ndikojë që transferimi të kryhet në janar. /Telegrafi/
