Debat në Budestagun gjerman: Maqedonia t’i përshpejtojë reformat, nuk është e gatshme për anëtarësim në BE

“Maqedonia shënon përparim në rrugën drejt BE-së, ambienti në shtet është ndryshuar në drejtim pozitiv dhe vendi mirë është i përgatitur për fillimin e negociatave, por ende nuk është i përgatitur për anëtarësim në Union. Lëvdata për Marrëveshjen e Prespës, por edhe paralajmërim për mossukses të mundshëm nga ratifikimi i saj”.

Kjo ka qenë në fokusin e debatit për Maqedoninë të titulluar “Maqedonia mes shpresës dhe shqetësimit” në Bundestagun gjerman të organizuar nga Shoqata e Evropës Juglindore ku kanë marrë pjesë përgjegjësit për Maqedoninë në Ministrinë e Punëve të Jashtme Cristian Hellbach dhe në kabinetin e kancelares Merkel, Mathias Lutenberg, autori i udhërrëfyesit për reformat në Maqedoni Reinhard Priebe, më shumë deputetë në Bundestagu, diplomatë si dhe mysafirët nga Maqedonia dhe Greqia, njofton Deutsche Welle.

Lutenberg e ka përshëndetur guximin e kryeministrit Zaev të zgjidh problemet me fqinjët Bullgarinë dhe Greqinë që nga fillimi i mandatit dhe kjo sipas tij ka qenë “sinjal i rëndësishëm t’i thuhet popullit se janë të gatshëm për të zgjidhur problemet”.

Priebe ka theksuar se nëse eventualisht në Greqi nuk ratifikohet Marrëveshja e Prespës, BE patjetër t’i hap negociatat për anëtarësim të Maqedonisë, pa dallim të kontestit të emrit, ndërsa Shkupi duhet të jetë i motivuar të vazhdojë reformat.

Herbach nga ana tjetër ka thënë se nëse nuk kalon Marrëveshja e Prespës, ai do të ishte lajm i keq për vendin dhe se tek një pjesë e popullatës në Maqedoni, lojaliteti ndaj shtetit varet nga përparimi i vendit në rrugën euroatlantike.

Lidhur me arratisjen e Nikolla Gruevskit dhe marrjes së azilit në Hungari, Helbah ka thënë se rasti mund t’ia lehtësojë pozitën liderit aktual të OBRM-PDUKM-së Hristijan Mickoski.

Ndryshe, ish-ambasadorja gjermane në Maqedoni, Gudrin Schteinker ka kritikuar se reformat në Maqedoni nuk janë lëvizur dhe se mbeten problemet me sundimin e së drejtës.