Interi thuhet të ketë arritur marrëveshje me Stefan de Vrij për të nënshkruar kontratë të re dyvjeçare, disa javë para përfundimit të kontratës së tij.
31-vjeçari është në Itali që nga viti 2014 kur nënshkroi për Lazion nga Feyenoordi, ndërsa në verën e vitit 2018 nënshkroi për Nerazzurrët si lojtar i lirë.
Kontrata e tij e tanishme është valide deri më 30 qershor, por Sky Sport Italia njofton se qendërmbrojtësi dhe klubi kanë arritur marrëveshje për qëndrimin e tij në Giuseppe Meazza.
Kontrata e re do ta lidhë mbrojtësin holandez me Interi deri në qershor të vitit 2025.
De Vrij ka regjistruar 38 paraqitje zyrtare në të gjitha garat këtë sezon duke kontribuar me një gol. /Telegrafi/
Top Lajme
Promo Reklamo këtu
Jobs
Deals
