De Ligt ishte në dorë të Unitedit, por Djajtë e Kuq nuk nënshkruan për një arsyeje të pakuptimtë

Matthijs de Ligt është njëri nga mbrojtësit më të kërkuar aktualisht në botë.

Kapiteni i Ajaxit ka shkëlqyer këtë edicion në Eredivisie dhe në Ligën e Kampionëve me fanellën e gjigantit holandez.

19-vjeçari falë paraqitjes së shkëlqyer ka rritur edhe vlerën e tij dhe tani kushton 75 milionë euro.

Por holandezi ka mundur t’i bashkohet Manchesterit në verën e vitit 2016, por që gjiganti anglez e refuzoi atë.

Ishte skauti holandez Marcel Bout që ia propozoi lojtarin Unitedit dhe ky transferim mund të ndodhte për vetëm pesë milionë euro.

Djajtë e Kuq refuzuan të nënshkruanin me qendërmbrojtësin pasi u frikësuan ta transferonin atë për shkak të mbipeshës.

Në fakt babai i De Ligt është me mbipeshë dhe drejtuesit e United menduan se edhe djaloshi do ta trashëgonte një gjë të tillë, pasi qendërmbrojtësi deri në moshën 14-vjeçare ka pasur disa kilogramë më shumë se që duhej.

Tani mediat angleze po e cilësojnë si arsyeje të pakuptimtë që United nuk nënshkroi me njërin nga mbrojtësit më perspektiv në botë.

Gjithsesi De Ligt pritet të bëhet me skuadër të re dhe sipas gjitha gjasave do të jetë Barcelona.

Tani interesim për lojtarin kanë shprehur edhe skuadrat tjera të mëdha si Bayern Munich, Juventus, Manchester City, Real Madrid e PSG. /Telegrafi/