Dasma e vëllait të deputetit: Nusja merret me helikopter, babai i dhëndrrit gjuan me armë (Video)

Dasmë e madhe në familjen e deputetit të LSI-së, Ylli Shehu, i cili sot ka martuar vëllain e tij të vogël. Familja Shehu është me origjinë nga fshati Buzëmadhe i Kukësit.

Vëllai i deputetit Shehu i ka dhënë sot fund beqarisë. Dasma e tij dasmë e përmasave të mëdha, ku ndërthuren elementët tradicionalë me ato modern.

Familja Shehu e ka marrë nusen me helikopter dhe makina të tipit të fundit e ndërsa në fshatin Buzëmadhe nusen e prisnin traditat.

Lodrat dhe Curlet prisnin nusen poshtë helikopterit, instrumente karakteristike që përdoren në dasmat e Kukësit dhe luajnë vallen vendase.

Por ajo çka ra në sy më së shumti ishte përdorimi i armëve gjatë pritjes së nuses. Fenomeni i përdorimit të armëve në dasëm është një zakon i vjetër tradicional që kohët e fundit është shndërruar në shprehi të bezdishme dhe rrezik serioz për njerëzit.

Mirëpo kjo nuk e ka ndalur babain e deputetit dhe vetë deputetin që të gjuajnë me armë në ajër.

Në pritje të djalit dhe nuses së tij, babai i dhëndrrit, Vesel Shehu gjuan në ajër pa pushim e ndërsa sipas traditës ja pret djali i tij, deputeti Ylli Shehu nga makina ku dhe ky i fundit si për ti ardhur në ndihmë të atit gjuan në ajër.

https://www.youtube.com/watch?v=6e0pJ35huLU