Dani Alves shmang shkeljen e stemës së Barcelonës, ndikimi i tij bëhet i madh pasi Nico e kopjon veprimin e tij

Dani Alves refuzoi të shkelte stemën e Barcelonës që ishte shtypur në tokë në shenjë respekti të madh, me të talentin Nico Gonzalez duke ndjekur shkëlqyeshëm shembullin e mbrojtësit veteran.

Alves është rikthyer te Barça pasi nënshkroi një marrëveshje deri në fund të sezonit.

Legjenda e rikthyer ka një sasi të madhe dashurie dhe respekti për klubin që ka shijuar një kohë magjike tetëvjeçare midis viteve 2008 dhe 2016.

Dhe ai e tregoi këtë duke shmangur shkeljen e stemës së Barçës gjatë një seance të hapur stërvitore në Camp Nou.

Braziliani bëri një përpjekje të vetëdijshme duke ecur rreth stemës dhe ndikimi i tij është i madh, me talentin 20-vjeçar, Nico, i cili gjithashtu bërë të njëjtën gjë duke kopjuar gjestin e Alvesit.

? | Dani Alves avoids stepping on the Barça Crest as a sign of respect. Nico González sees him and also does the same!
pic.twitter.com/XsDbEDrTek

— infosfcb  (@infosfcb) January 4, 2022

Tifozët e Barçës e pëlqyen gjestin e Alves dhe e vlerësuan shumë në komentet e ndryshme në rrjetet sociale.

“Respekti që Dani ka për Barçën brenda dhe jashtë fushës është i pabesueshëm… Jam i sigurt se ai do të japë 100 për qind edhe në moshën 38-vjeçare dhe ne e kemi parë tashmë që kundër Boca Juniors…”, ishte njëri nga komentet.

Ndryshe, Alves ka debutuar tashmë zyrtarisht te Barcelona, pasi luajti për plot 90 minuta ndaj Linares në Copa del Rey, ku katalunasit kaluan tutje pas fitores 2-1. /Telegrafi/