Dani Alves: Mijëra fëmijë vdesin çdo ditë dhe nuk marrin aq vëmendje sa Astori  

Ish-lojtari i Juventusit dhe Barcelonës, Dani Alves, ka folur për vdekjen e mbrojtësit italian, Davide Astori, duke thënë se është keq për familjen vdekja e tij, por vë në dukje se mijëra fëmijë vdesin çdo ditë dhe janë po aq të rëndësishëm.

Bota e futbollit ende lëkundet pas vdekjes së papritur të Astorit të dielën, i cili shtangu të gjithë, që dolën me mesazhe ngushëlluese për bashkëlojtarët dhe familjen e tij.

Lexo po ashtu Futbolli italian në zi, Davide Astori gjendet i vdekur në dhomën e hotelit

Por, ndërsa Alves ofroi simpatinë e tij ndaj mbrojtësit italian, ai rrëfeu se nuk do bëhej i tepërt si disa nga kolegët e tij dhe e cilësoi të gabuar se mbrojtësi mori më shumë vëmendje sesa humbja e jetës që po ndodhte në botë çdo ditë.

“Ne nuk ishim shumë të shqetësuar për shkak se nuk e njihnim shumë mirë”, ka thënë fillimisht Alaves në konferencë shtypi para ndeshjes në Ligën e Kampionëve.

Lexo po ashtu Futbollistë dhe klube futbolli nga mbarë bota të shokuar me vdekjen e Astorit, i shprehin ngushëllime në forma të ndryshme

“Më vjen keq për familjen e tij. Unë mendoj se Davidi bëri atë që ai kishte për të në këtë botë kaotike, dhe tani ai është në një vend më të mirë”.

“Megjithatë, në botë, mijëra fëmijë vdesin çdo ditë dhe nuk marrin aq vëmendje. Edhe ata janë po aq të rëndësishëm”.

Lexo po ashtu Prokuroi i habitur nga mënyra e vdekjes të një sportisti si Astori, por specialisti i mjekësisë sportive u përgjigjet të gjitha pyetjeve që janë ngritur para autopsisë

“Ne të gjithë duhet të vdesim herët a vonë sepse është diçka që kalon”.

“Ndoshta jemi të trishtuar, por sigurisht jo si familja e tij”, përfundoi mbrojtësi brazilian. /Telegrafi/