Dana White ka një qëndrim të diskutueshëm në lidhje me vaksinën për COVID-19, pasi NFL e bën të detyrueshme

Presidenti i UFC, Dana White thotë se nuk do t’i detyrojë kurrë luftëtarët e tij që të marrin vaksinën COVID-19 në mes të qëndrimit të NFL përpara sezonit të ardhshëm.

NFL e ka bërë të detyrueshme që të gjithë lojtarët të marrin vaksinën nëse dëshirojnë të marrin pjesë në edicionin 2021/22.

Por, UFC nuk do ta bëjë të detyrueshëm vaksinimin për luftëtarët e tyre pavarësisht protokolleve të New Yorkut.

Ata kanë përcaktuar një listë të mandateve në shtet që kërkojnë dëshmi të vaksinimit për ngjarje sportive.

Pra, shfaqja e propozuar e UFC në Madison Square Garden në nëntor mund të humbasë një luftë në mes të Michael Chandler e Justin Gaethje, me ish-kampionin ende të pa vaksinuar.

Sidoqoftë, White këmbëngul se ai nuk do të detyrojë askënd në listën e tij të marrë vaksinën në mënyrë që të konkurrojë brenda Tetëkëndëshit.

Lexo po ashtu Të gjithë po pyesin se si ndodhi që McGregor e theu këmbën – videoja në xhirim të ngadalësuar e shfaq atë më së miri

Ai tha për TSN: “Unë kurrë nuk do t’i tregoja një qenie tjetër njerëzore se çfarë të bënte me trupin e tyre”.

“Nëse doni të vaksinoheni, kjo varet nga ju. Kjo është zgjedhja juaj. Ju kurrë nuk do të më dëgjoni të them se do t’i detyroj njerëzit të vaksinohen. Asnjëherë nuk do të ndodhë”.

“Unë mendoj se shumë njerëz po e bëjnë këtë, ata po ju thonë në New York [City] se nuk mund të hyni në një restorant apo palestër nëse nuk jeni të vaksinuar dhe mund ta provoni këtë dhe gjëra të tilla”.

“Disa njerëz pushohen nga puna nëse nuk vaksinohen. Kjo nuk do të ndodhë këtu [në UFC]. Nëse doni të vaksinoheni … vaksinoheni. Nëse jo, ky është vendimi juaj, trupi juaj”, ka shtuar më tej ai. /Telegrafi/