Dana White anulon tri data në UFC, por zbulon plane radikale për përballjen Khabib – Ferguson

Dana White më në fund ka treguar nëse do të zhvillohet përballja e 18 prillit në mes të Khabib Nurmagomedov dhe Tony Fergusonit.

Presidenti i UFC-s bëri të ditur se ata janë të detyruar të shtyjnë çdo eveniment të tyre shkaku i coronavirusit, mirëpo është i bindur se përballja mes dyshes do të ndodhë.

Evenimentet që do të mbaheshin më 21 mars, 28 mars dhe 11 prill, janë shtyrë shkaku i pandemisë, derisa White ka thënë se përballja e 18 prillit do të mbahet.

“Jemi gati të shfaqemi live në ESPN të shtunën mbrëma nga FireLeka Arena, dhe rezervimet nga qyteti i Oklahomas”, ka thënë ai për ESPN.

“Ne kemi gati gjithçka, luftëtarët, meçet, kemi të gjitha. Por, Presidenti deklaroi se evenimentet duhet të shtyhen dhe ne jemi të detyruar ta bëjmë këtë gjë”.

Lexo po ashtu Promo e përballjes mes Khabibit dhe Fergusonit - elektrizon tifozët për luftën e madhe që zhvillohet më 18 prill

“Do t’i shtyjmë tri data, mirëpo përballja mes Tony Ferguson dhe Khabib Numrmagomedov do të zhvillohet më 18 prill”, ka shtuar më tej White.

Qindra mijëra tifozë po e presin përballjen e zjarrtë, mirëpo ka një rrezikshmëri të lartë që ajo të anulohet nëse nuk përmirësohet situata nga coronavirusi. /Telegrafi/