Dafina Zeqiri e përkrah Rita Orën, ajo i përgjigjet: Je më e ëmbla

Dafina Zeqiri është shprehur hapur në përkrahje të superyllit shqiptar, Rita Ora.

Ylli i estradës shqiptare ka përkrahur Rita Orën e cila nuk u nominua në Grammy në asnjë kategori, e ku u vlerësuan me nominime Dua Lipa dhe Bebe Rexha.

Shumë e konsiderojnë që arritja e Duas dhe Bebes si shqiptaret e para me nominime në Grammy i ndan ata nga pjesa tjetër duke hyrë në histori, e një pjesë mendojnë që Rita Ora ka vënë bazën e rëndësishme të tyre.

E tillë është edhe Dafina Zeqiri e cila hapur ka përkrahur Rita Orën.

“Një prej shqiptareve të para që ka mbytur skenat botëore”, ka shkruar Dafina Zeqiri.

Menjëherë ka pasuar përgjigja e Rita Orës, e cila e ka quajtur Dafinën si “më të ëmblën”.

https://www.instagram.com/p/BrJN6PRHhRv/

Po ashtu, Rita ka filluar ta ndjekë me këtë rast Dafinën në rrjetin social Instagram.

Kështu dy dyjet e muzikës filluan shoqërimin e ndoshta në të ardhmen edhe ndonjë bashkëpunim i cili do të ishte pa dyshim i mirëpritur nga të gjitha adhuruesit shqiptarë. /Telegrafi/

https://www.instagram.com/p/Bq8pAGRHeWD/