Colin Farrell nuk e kupton fundin e komedisë ‘së zezë’ në të cilën ai luajti rolin kryesor

Në vitin 2015, aktori irlandez Colin Farrell luajti rolin kryesor në komedinë e zezë “The Lobster”, me regji dhe skenar të regjisorit Yorgos Lanthimos. Filmi është shkruar në bashkëpunim me skenaristin grek Efthimis Filippou.

Rolet kryesore u luajtën nga Farrell dhe Rachel Weisz. Skena e fundit në film është ajo që la shumë kritikë dhe shikues të hutuar. Farrell nuk mund të shpjegonte se çfarë ndodhi në fund të filmit dhe deklaroi se ai vetë ishte konfuz.

Shikuesit kanë mbetur me një skenë finale të papërfunduar ku nuk dihet nëse personazhi kryesor i luajtur nga Farrell do të verbojë veten në mënyrë që të lidhet me partnerin e tij të ri.

Duke folur për këtë, ai tha: “Nuk mund t’jua them. Këtë nuk mund t’jua thotë as skenaristi dhe as regjisori. Nuk po e fshehim përgjigjen, por nuk ka përgjigje. Nuk ka para dhe pas në film”.

Farrell tha se ka një sërë opsionesh se si mund të interpretohet fundi i filmit, por ende nuk ka një fund të qartë. Komploti i filmit “The Lobster” është vendosur në një të ardhme gati distopike ku burrat beqarë dëbohen në një hotel ku duhet të gjejnë dashurinë. Nëse dështojnë, kthehen në kafshë.

Në mënyrë satirike, filmi flet për rregullat dhe pritshmëritë e ngurta të shoqërisë që na kufizojnë dhe na privojnë nga autenticiteti, duke u tallur me presionin e normave që imponohen.

Olivia Colman, Jessica Barden, Jaqueline Abrahams dhe Roger Ashton-Griffths u shfaqën në role dytësore në “The Lobster”. /Telegrafi/