Coinbase, një nga platformat më të njohura për shkëmbimin e kriptovalutave, njofton se ka bllokuar qasjen e më shumë se 25 mijë llogarive të lidhura me individë dhe subjekteve ruse.

Ky bllokim i bashkëngjitet sanksioneve të ndërmarra nga Shtetet e Bashkuara, Britania e Madhe, Bashkimi Evropian, Singapori, Kanadaja dhe Japonia.

“Coinbase ka bllokuar mbi 25 mijë adresa të lidhura me individë ose subjekte ruse që besojmë se janë të përfshirë në aktivitete të paligjshme, shumë prej të cilave i kemi identifikuar përmes hetimeve tona proaktive”, tha shefi ligjor i kompanisë Paul Grewal, përcjell Telegrafi.

Ky veprim pasi zëvendëskryeministri i Ukrainës, Mykhailo Fedorov u kishte kërkuar të gjitha platformave të kriptovalutave që të bllokojnë adresat Blockchain të përdorura nga rusët për të rritur presionin dhe për t’i detyruar ata të ndërmarrin veprime kundër luftës së vazhdueshme të qeverisë së tyre në Ukrainë.

Reklama
Reklama

“Është thelbësore të ngrihen jo vetëm adresat e lidhura me politikanët rusë dhe bjellorusë, por edhe të sabotohen përdoruesit e zakonshëm”, pati kërkuar Fedorov. /Telegrafi/